ایران - روسیه تشقی ایشلر وزیرلری اوزارا سوزلشوو اوتکزدی

ایران تشقی ایشلر وزیری حسین امیر عبداللهیان بیلن روسیه تشقی ایشلر وزیری سرگی لاوروف اوزارا مناسبتلر و منطقوی مسئله لرنی تیلگه آلدی.

ایران تشقی ایشلر وزیرلیگی تامانیدن بیریلگن بیاناتده، عبداللهیان نینگ روس کسبداشی لاوروف بیلن تیلفون آرقه لی سوزلشوو اوتکزگن لیگی بیلدیریلدی.

اوشبو سوزلشووده اوزارا مناسبتلر قاله ویرسه جنوبی قفقازیاده گی سونگگی ینگیلیکلر بیلن بیر قطارده منطقوی و خلق ارا مسئله لرنینگ تیلگه آلینگن لیگی معلوم قیلیندی.

عبداللهیان، آذربایجان بیلن ارمنستان اورته سیده دایمی بیر تینچلیک کیلیشووی بولیب اوتیشی اوچون آلیب باریلگن مذاکره جریانینی ممنونیت بیلن کوتیب آلگن لیکلرینی معلوم قیلیب ایران نینگ منطقه ده تینچلیک و برقرارلیک نینگ اورنه تیلیشینی قوللب – قوتله گن لیگینی ایتدی.

لاوروف ایسه ایران نینگ اوراسیا اقتصادی همکارلیک بیلن ایرکین تجارت کیلیشوویگه قول قوییشینی ممنونیت بیلن کوتیب الگن لیگینی و خوددی شو کیلیشوونینگ ایران، روسیه و اتفاق اعضاسی اولکه اورته سیده گی اقتصادی مناسبتلرنینگ رواجلنتیریلیشی اوچون مهم بیر آدیم ایکن لیگینی افاده ایتدی.

اولکه سی نینگ ایران نینگ توپراق بوتونلیگی گه "شرطسیز" حرمت قیلگن لیگینی قید ایتگن لاوروف بونینگ روسیه نینگ کیسکین یانداشوویدن عبارت ایکن لیگینی معلوم قیلدی.

لاوروف رشت – آستارا تیمیر یولی پروژه سی توغریسیده ایککی اولکه اورته سیده گی همکارلیک نی تیلگه آلیب اولکه سی نینگ اوشبو پروژه نینگ عملی بولیشینی تیزلشتیریلیشی خصوصیده گی قرارلیلیگینی اورغوله دی.