عبداللهیان بیلن هنیه اوزارا اوچره شوو اوتکزدی

ایران تشقی ایشلر وزیری حسین امیر عبداللهیان، امریکا قوشمه ایلتلری نینگ اسرائیل غزه ده قول اورگن اوروش جرملریدن مسؤل ایکن لیگینی ایتدی.

قطرگه «کوتیلمه گن» بیر سفر اویوشتیرگن عبداللهیان، پایتخت دوحه ده فلسطین مقاومت حرکتی حماس نینگ سیاسی باشقرمه سی باشلیغی اسماعیل هنیه بیلن اوچره شدی.

عبداللهیان "فلسطینلیکلرنی قیرغین قیلگن اسرائیل گه چیتسیز یاردم بیرگن واشنگتن خلق ارا و حقوقی جهتدن مسؤل دیر. امریکا قوشمه ایالتلری اوروش نینگ ییچیم یولی ایمس ایکن لیگینی بیلیشی کیره ک." دیدی.

ایرانلیک وزیر غزه گه قره ته چیکلاولرنینگ برطرف ایتیلیشی و انسانی یاردملرنینگ ییتکیزیلیشی توغریسیده سیاسی اورونیشلرنینگ دوام ایتیب تورگن لیگینی قید ایتدی.

هنیه ایسه اسرائیل نینگ غزه گه قره ته هجوملریدن 75 کون تولگن حالده مقاومت نینگ حلی هم کوچلی ایکن لیگینی ایتدی.

حماس رهبری، اسرائیل نینگ شمالی غزه ده کنترول نی قولگه آلگن لیگینی ادعا ایتگن لیگینی بیراق مقاومت کوچلری نینگ شمال تامانی بیلن بیر قطارده غزه نواری نینگ برچه منطقه سیده بارلیگینی و مقاومت گه دوام ایتیب تورگن لیگینی بیلدیردی.

حماس نینگ قوراللی ترماغی القسام کوچلری 7 اکتوبرده اسرائیل گه قره ته «اقصی طوفانی» آتیده کینگ بیر هجوم گه قول اورگن لیگینی بیلدیرگندی.

اسرائیل اردوسی هم بونگه جواب اوله راق حربی اوچاقلر آرقه لی غزه نواریگه تیمیر قیلیچلر عملیاتی باشلتگن لیگینی معلوم قیلگندی.