ایرانلیک ییتکچی: امریکا قوشمه ایالتلری بیزدن آغیرلشتیریلگن سوو ساتیب آلدی

ایران اتوم انرژیسی باشقرمه سی باشلیغی محمد اسلامی، امریکا قوشمه ایالتلری نینگ ایران تامانیدن ایشلب چیقریلگن و نوکلر راکتور اوچون ایش آلینگن آغیر سوودن ساتیب آلگن لیگینی تایید ایتدی.

ایران رسمی خبر آژانسی ایرنا خبر بیریشیچه، اسلامی پایتخت تهران ده اویوشتیریلگن بیر پروگرامده سوزگه چیققن.

اولکه سی نینگ هسته ای پروگرامی نینگ خلق ارا اتوم انرژی آژانسی (UAEA) بیلن خوفسیزلیک تیکشیروو کیلیشووی گه و هسته ای قوراللرنینگ ییره یشی گه توسیق بولیش کیلیشوویگه ماس ایکن لیگینی معلوم قیلگن اسلامی شو اساسده خلق ارا اتوم انرژی آژانسی بیلن همکارلیک نینگ دوام ایتتیرگن لیکلرینی افاده ایتدی.

خلق ارا اتوم انرژی آژانسی نینگ هسته ای فعالیت گه قول اورگن لیگی شبهه سی بیلن تیکشیروو رخصتی طلب ایتگن ایککی جای بیلن تیگیشلی آژانس گه معلومات بیرگن لیکلرینی قید ایتگن اسلامی بو معمانی ییچیلیشینی امید قیلگن لیکلرینی تیلگه آلدی.

ایران تشقی ایشلر وزیری حسین امیر عبداللهیان نینگ امریکا قوشمه ایالتلری نینگ هسته ای راکتورده ایش آلینگن ایرن تولید ایتگن آغیر سوونی ساتیب آلگن لیگی گه تیگیشلی بیاناتی گه دقت تارتگن اسلامی بو توغریده شولرنی ایتدی:

"بیز آغیر سوویمیزنی رسمی روشده ساتماقده میز. امریکا قوشمه ایالتلری بیر مرته ساتیب آلدی و بوگون ایریم اولکه لردن (ساتیب آلیش اوچون) طلبلر بار."

ایران بیلن پ5+1 اولکه لری اورته سیده 2015 ییلی جولای آییده بولیب اوتگن هسته ای کیلیشوونینگ آرتیدن ایران امریکا قوشمه ایالتلریگه 32 تن «آغیر سوو» ساتیشی اوچون امریکادن بیر شرکت بیلن کیلیشووگه قول قوییلگن لیگینی بیلدیرر ایکن بیراق کیین کیلیشوونینگ عملی بولیشی حقیده معلومات بیریلمه گندی.

نوکلر کیلیشوویگه کوره ایران باشقرووی کیلیشووگه بناً قیته ایشلنگن آغیر سوو راکتوریده آغیر سوودن ایش آلینسه ده مصرف نینگ کوپلیگی آغیر سوو ویا بایلشتیریلگن اورانیوم نی چیت ایلگه ساتیش گه مجبور.

ایران سونده ی بولیب روسیه گه هم 70 تن آغیر سوو ساتگن لیگینی بیلدیرگندی.

امریکا قوشمه ایالتلری 2018 ییلی هسته ای کیلیشوودن بیر تامانلیک چیقیب ایران گه قره ته قیته دن چیکلاولرگه باشله گندی. ایران هم بونگه جواب اوله راق کیلیشووده گی تعهدلرینی توخته تیب قویگندی.

شونده ی بولیب ایران تشقی ایشلر وزیری حسین امیر عبداللهیان 9 دسامبرده قیلگن صحبتیده امریکا قوشمه ایالتلری نینگ چیکلاولر عملی قیلگن حالده نوکلر راکتورلرده ایش آلینگن ایران تولید قیلگن آغیر سوونی بیر واسطه چی آرقه لی ساتیب آلگن لیگینی بیلدیرگندی.