ایران بیلن روسیه تشقی ایشلر وزیرلری اوزارا سوزلشوو اوتکزدی
ایککی کسبداش نینگ تیلفون آرقه لی سوزلشگن لیگی بیلدیریلدی
ایران تشقی ایشلر وزیری حسین امیر عبداللهیان بیلن روسیه تشقی ایشلر وزیری سرگی لاوروف اوزارا مناسبت قاله ویرسه غزه و غربی نوارده گی سونگگی ینگیلیکلرنی تیلگه آلدی.
ایران تشقی ایشلر وزیرلیگی تامانیدن بیریلگن یازمه بیاناتگه کوره، عبداللهیان بیلن لاوروف تیلفون آرقه لی سوزلشوو اوتکزدی.
بیاناتده، عبداللهیان بیلن لاوروف نینگ اوزارا مناسبت قاله ویرسه غزه و غربی نوارده گی سونگگی ینگیلیکلر حقیده فکر المه شووی عملگه آشیرگن لیکلری بیلدیریلدی.
ایران جمهور باشلیغی ابراهیم رئیسی بیلن روسیه دولت باشلیغی ولادیمیر پوتین نینگ اوتگن هفته روسیه ده اوتکزگن اوچره شوویده اوزارا همکارلیک نی بهالندیرگن لیکلریگه دقت تارتگن عبداللهیان نینگ ایککی اولکه نینگ یوقاری سویه لی ییتکچیلری اورته سیده گی مصلحت و اوچره شوولرنینگ اهمیتینی اورغوله گن لیگی معلوم قیلیندی.
عبداللهیان امریکا قوشمه ایالتلری نینگ بیرلشگن ملتلر تشکیلاتی خوفسیزلیک کینگشیده غزه ده انسانی سببلر طفیلی عاجل آتشکیسین طلب ایتووچی قرار لایحه سینی رد ایتیشینی "غزه خلقی گه قره ته قیرغین نینگ دوام ایتیلیشی گه رخصت بیریش" ایتیب بهالندیرگن لیگی افاده ایتیلدی.
ایرانلیک وزیر اوروش جرملری نینگ تیزده توخته تیلیشی و غزه نواریگه کوپراق انسانی یاردم جونه تیلیشی اوچون حرکت گه اوتیش چقیریغی قیلگن لیگی افاده ایتیلدی.
روسیه تشقی ایشلر وزیری لاوروف نینگ ایسه رئیسی بیلن پوتین نینگ ملاقاتی نینگ «جوده مهم» ایکن لیگینی و مسکونینگ ایران بیلن همکارلیگی طفیلی ممنونیتینی تیلگه آلگن لیگی بیلدیریلدی.
لاوروف نینگ غزه ده آتشکیسین اورنه تیلیشی و غزه خلقی گه انسانی یاردم جونه تیلیشی نینگ کوپه یتیریلیشی و مستقل بیر فلسطین دولتی نینگ قورولیشی اوچون خلق ارا اورونیشلرنینگ دوام ایتتیریلیشی کیره ک لیگینی اورغوله گن لیگی معلوم قیلیندی.
