ایرانده اوچ کیشی اعدام ایتیلدی

ایران نینگ سیستان و بلوچستان ولایتیده رژیم مخالفی "جیش العدل) اعضاسی ایکن لیگی ادعا قیلینگن 3 کیشی, "ترورچیلیک فعالیت لری" آلیب بارگن لیک لری سببلی اعدام ایتیلدی.

فارس خبر آژانسی گه کوره, سیستان و بلوچستان ولایتی عمومی قاره لاوچیسی علی مصطفوی نیا اوشبو توغریده معلومات بیردی. 

نیا, "ترور تشکیلاتی جیش العدل بیلن ارتباطی بولیب و ترورچیلیک فعالیت لری آلیب باریب بوزغینچیلیک قیلگن لیگی سببلی اعدام قیلینگن محمد براهویی انجمنی, محمد کریم بارکزایی آکسون و ادریس بیلرانی نینگ جزاسی تطبیق ایتیلدی" دییه قید ایتدی. 

نیا, اوشبو کیشی لرنینگ زاهدان شهریده میلادی 2019- ییل 29- جنوری کونی بیر پولیس مرکزی گه و خوددی شوو ییل نینگ 25- جون کونیده ایسه گزمه قیلیب یورگن حربی بیر واسطه گه قره ته بمبی هجوم اویوشتیرگن لیک لرینی بیلدیردی. 

ایران نینگ پاکستان و افغانستان چیگره سیده اورین آلگن سیستان و بلوچستان ولایتیده, سونگّی ییللرده "منطقه ده گی سنی بلوچ خلقی نینگ حقی دن دفاع قیلیاتگن لیگینی ادعا ایتیاتگن" و اوشبو اولکه ده ترور تشکیلاتی اوله راق قبول قیلینگن "جیش العدل" بیلن ایران خوفسیزلیک کوچلری اورته سیده توقنه شوو لر یوز بیرماقده.