عبداللهیان: امریکا غزه ده آتشکیسین خواهله گن لیگی بوییچه بیزگه پیام ییتکیزدی

ایران تشقی ایشلر وزیری حسین امیر عبداللهیان امریکا قوشمه ایالتلری نینگ اوزلریگه غزه شهریگه آتشکیسین خواهله گن لیکلری بوییچه پیام ییتکیزگن لیگینی ایتدی.

ایران رسمی خبر آژانسی ایرنا بیلدیریشیچه عبداللهیان پایتختد تهران ده مطبوعات گه بیانات بیرگن.

"امریکالیکلر سونگگی اوچ کونده بیزگه آتشکیسین خواهله گن لیکلرینی و بو توغریده آدیملر آتگن لیکلرینی بیلدیرووچی پیاملر جونتدیلر. بیراق عملده فقط غزه ده قتل عام و قیرغین نی قوللب – قوتله ماقده لر." دیدی.

ایرانلیک وزیر،

"امریکا قوشمه ایالتلری نینگ تیزده سیاستی گه اوزگریش کیریتیشینی و اشغالچی تامانگه (اسرائیل) یاردم بیرمسلیگینی امید قیله میز." دیب گپیردی.

حماس نینگ حربی ترماغی قسام کوچلری 7 اکتوبرده ایرته لب اسرائیل نینگ "فلسطینلیکلرگه و مسجد اقصی قاله ویرسه مقدس ارزشلرگه قره ته اخلاللریگه حواب بیریش" مقصدی بیلن «اقصی طوفانی» آتیده کینگ بیر هجوم باشلتگن لیگینی بیلدیرگندی. غزه دن اسرائیل تامان مینگلب راکت آتیلر ایکن قوراللی جنگریلر هم منطقه ده گی توررجایلرگه کیریب بارگندی.

اسرائیل اردوسی هم حربی اوچاقلر آرقه لی غزه نواریگه قره ته تیمیر قیلیچلر عملیاتینی باشلتگن لیگینی معلوم قیلگندی.

اسرائیل غزه دن اویوشتیریلگن هجوملرده 315 ته سی حربی 1400 آرتیق اسرائیللیک نینگ اولگن لیگینی 5 مینگ 132 کیشی نینگ یره لنگن لیگینی بیلدیردی.

اسرائیل بیلدیریشیچه 31 اکتوبردن بوگونگچه غزه نواریده گی توقنه شوولرده اولگن حربی سانی 30 گه ییترکن القسام کوچلری نینگ قولیده 242 ته اسیر بار.

اسرائیل تامانیدن غزه گه قره ته اویوشتیریلگن هجوملرده ایسه کوپراغی باله و خاتینلردن عبارت 10 مینگدن آرتیق فلسطینلیک اولدیریلدی کمیده 25 مینگ کیشی ایسه یره لندی.

غربی نوار و بیت المقدس ده اسرائیل کوچلری و یهودی ناقللر 159 نفر فلسطینلیک نی اولدیردی.