جمهور باشلیغی ایردوغان قزاقستان گه تشریف بیوردی

تورکیه جمهور باشلیغی رجب طیب ایردوغان تورک دولتلری تشکیلاتی 10 – جلسه سیگه قتنشیش اوچون قزاقستان نینگ پایتختی آستانه گه تشریف بیوردی.

ایردوغان آستانه ده قالگن هوتل ده قرغزستان جمهور باشلیغی صدر جباروف و هنگری باش وزیری ویکتور اوربان بیلن اوچره شدی.

اوشبو اوچره شوولر مطبوعات گه یاپیق روشده بولیب اوتدی.

تورکیه جمهور رئیسلیک علاقه باشقرمه سی تامانیدن بیریلگن بیاناتده، ایردوغان نینگ 2-3 نوامبر تاریخلریده قزاقستان نینگ پایتختی آستانه ده "تورک دوری" محتواسی بیلن اویوشتیریله دیگن جلسه گه قتنشیشیدن خبر بیریلدی.

تشکیلات نینگ دور رئیسلیگی اوزبیکستان دن قزاقستان گه بیریله دیگن خوددی شو جلسه ده رهبرلر تشکیلات چوکاتیده همکارلیک نینگ کوچه یتیریلیشی گه تیگیشلی فعالیتلرنی تیلگه آلیشی کوتیلماقده.

رهبرلرنینگ کون ترتیبیده گی گلوبال و منطقوی مسئله لر حقیده فکر المه شووی عملگه آشیره دی. جمهور باشلیغی ایردوغان 3 نوامبرده گی جلسه ده سوزگه چیقه دی عیندمده رهبرلر بیلن یوزمه یوز اوزارا اوچره شوولر اوتکزه دی.