تورکیه تشقی ایشلر وزیری ایران گه تشریف بیوردی

تورکیه تشقی ایشلر وزیری خاقان فیدان جنوبی قفقازیاده دایمی تینچلیک و برقرارلیک نینگ اورنه تیلیشی بوییچه منطقوی همکارلیک جلسه سی اوچون بوگون ایران نینگ پایتختی تهران گه تشریف بیوردی.

دیپلوماتیک منبعلردن قولگه کیریتیلگن معلوماتگه کوره، تشقی ایشلر وزیری سویه سیده اویوشتیریلگن جلسه گه تورکیه، میزبان ایران قاله ویرسه آذربایجان، ارمنستان و روسیه فدراسیونی نینگ قتنشگن لیگی بیلدیریلدی.

جنوبی قفقازیاده دایمی تینچلیک و برقرارلیک نینگ اورنه تیلیشی بوییچه جمهور باشلیغی رجب طیب ایردوغان و آذربایجان جمهور باشلیغی الهام علی یف نینگ اورونیشی بیلن باشله تیلگن 3+3 شکلیده گی منطقوی همکارلیک جلسه سی بوندن آلدین تشقی ایشلر وزیری اورینباسرلری سویه سیده 2021 ییلی 10 دسامبر تاریخیده روسیه نینگ پایتختی مسکوده بولیب اوتگندی.