پاکستان ده سود تامانیدن عمران خان و قریشی دولت سرلرینی اخلال ایتیش بیلن عیبلندی

پاکستان ده محکمه سابق باش وزیر عمران خان بیلن سابق تشقی ایشلر وزیری شاه محمود قریشی نی رسمی اوله راق دولت سرلری قانونینی اخلال قیلیش بیلن عیبله دی.

ملی مطبوعاتده گی خبرلرگه کوره خان بیلن قریشی اوچون سود دعواسی راول پندیده گی قماقخانه ده بولیب اوتدی.

خصوصی محکمه قاضیسی عبدالحسنات زولقرنین "دولت سرلرینی افشا ایتیش" بیلن عیبلنگن سابق باش وزیری خان بیلن سابق تشقی ایشلر وزیری قریشی نی رسمی اوله راق دولت سیرلری قانونینی اخلال قیلیش بیلن عیبله دی.

خان بیلن قریشی ایسه بو عیبلاولرنی قبول ایتمه دی.

قاضی کیینگی محکمه نی 27 اکتوبرگه آلدی.

عمران خان فساد بیلن عیبلب آلیب باریلگن محکمه دعواسیده محکمه تامانیدن قماق حبسی قراری نینگ آرتیدن 5 اگست ده پولیس تامانیدن قولگه آلینب قماقخانه گه تشلنگندی.

خان اوچون بیر یلگن 3 ییللیک قماق جزاسی 29 اگستده کیینگه تشلنیب سابق باش وزیرنینگ ضمانت بیلن آزاد ایتیلشینی حکم قیلگندی. بیراق 30 اگستده قاضی عبدالحسنات زلقرنین قاره لاوچیلیک نینگ طلبی گه بناً "دولت سرلرینی افشا قیلیش" بیلن عیبلنگن خان نینگ قماق مدتینی اوزه یتیرگندی.

سابق تشقی ایشلر وزیری قریشی هم شونقه بیر سبب بیلن 19 اگستده اسلام آبادده گی اوییدن قولگه آلینیب قماققه تشلنگندی.

فیدرال تیرگاو آژانسی سابق باش وزیر خان بیلن اورینباسرلرینی دولت سرلر ینی افاش ایتیش عیبلاوی بیلن سودگه بیرگندی.