پاکستانده یوز بیرگن پارتلشده اونلب کیشی حیاتینی یوقاتدی

پاکستان نینگ بلوچستان ایالتده بیر مسجد یقینیده توپلنگن کیشی لرنینگ موجود بولگن ساحه ده بمبی ترورچیلیک هجومی عاقبتیده 34 نفر حیاتینی یوقاترایکن, 130 کیشی ایسه یره لندی. 

جان بیرگن کیشی لردن بیری نینگ پولیس ایکن لیگی بیلدیریلدی. 

داون روزنامه سی نینگ بیرگن خبریده, بلوچستان ایالتی نینگ ماستونگ منطقه سیده بیر مسجد یقینیده توپلنگن کیشی لرنینگ موجود بولگن ساحه ده پارتلش یوز بیرگن لیگی معلوم قیلیندی.

پارتلش عاقبتیده بیر نفری پولیس بولگن 34 کیشی حیاتینی یوقاتدی و 130 دن آرتیق کیشی ایسه یره لندی. 

حادثه محلی گه کوپلب امبولانس بیلن قیدیرو- قوتقرو تیمی یوباریلدی. 

مسئوللر اوشبو حادثه نینگ انتحاری هجوم بولیشی نینگ ممکن ایکن لیگی نی بیلدیرماقده. 

هجوم نینگ مسئولیتی نی ایسه حاضرچه هیچ بیر تامان اوز بوینی گه آلمه گن.