سابق پاکستان باش وزیری عمران خان ایریم بیر قماقخانه گه جایلشتیریلدی

پاکستان نینگ سابق باش وزیری عمران خان اتک قماقخانه سیدن پایتخت اسلام آبادگه یقین ادیاله قماخانه سیگه آلیندی.

ملی مطبوعاتده گی خبرلرگه کوره اسلام آباد عالی سودی خان نینگ مدافعه وکیللری نینگ طلبی گه بناً سابق باش وزیرنینگ اسلام آباد بیلن قوشنی راول پندی ده گی قماقخانه گه جایلشتیریلیشی قرار بیریلگن.

خان زره واسطه آرقه لی اتک قماخانه سیدن راول پندی ده جایلشگن ادیاله قماقخانه سیگه آلیب باریلگن.

شونده ی بولیب سود خان بیلن سابق تشقی ایشلر وزیری شاه محمود قریشی نینگ «دولت سیرلرینی آشکار قیلیش» بیلن عیبلب آلیب باریلگن دعوا طفیلی قماق مدتینی 10 اکتوبرگچه اوزه یتیرگن لیگی بیلدیریلدی.

پاکستان پولیس باشقرووی فساد بیلن عیبلنیب قماققه محکوم ایتیلگن عمران خان نی لاهور شهریده گی اوییدن 5 اگست تاریخیده قولگه آلگندی.

خان گه بیریلگن 3 ییل قماق جزاسی 29 اگستده کیینگه تشلنیشی طفیلی ضمانت بیلن قوییب یوباریلگندی. بیراق ایرته سی کونی قاره لاوچیلیک نینگ طلبی گه بناً «دولت سیرلرینی افشا قیلیش» بیلن عیبلب قیته دن قولگه آلینگندی.

قریشی هم خوددی شو دعوا طفیلی 19 اگستده اسلام آبادده گی اوییدن قولگه آلینگندی.