کاکر بیلن میرضیایف اوزارا اوچره شوو اوتکزدی

پاکستان بیلن اوزبیکستان منطقوی اقتصادی علاقه نی قوللب – قوتلش قرارلیگینی تاکییدله دی و منطقه لر ارا علاقه اوچون اکتیف رول آلیش گه قرار قیلدی.

رادیو پاکستان خبر بیریشیچه، بیرلشگن ملتلر تشکیلاتی 78 – عمومی کینگشی دایره سیده امریکا قوشمه ایالتلری نینگ نیویورک شهریگه بارگن پاکستان اوتیش دوری حکومتی باش وزیری انورالحق کاکر، اوزبیکستان جمهور باشلیغی شوکت میرضیایف بیلن اوچره شدی.

اوچره شووده سیاست، تجارت، اقتصاد، خوفسیزلیک، مدافعه و علاقه کبی ساحه لرده پاکستان بیلن اوزبیکستان اورته سیده کوچه ییب بارگن مناسبتلر توغریسیده فکر المه شووی عملگه آشیریلدی. کاکر بیلن میرضیایف منطقوی اقتصادی علاقه نی قوللب – قوتلش قرارلیلیکلرینی تاکییدله دی و منطقه لر ارا علاقه اوچون اکتیف رول آلیش گه قرار بیردی.

کاکر پاکستان بیلن اوزبیکستان اورته سیده سونگگی ییللرده کوچه ییب بارگن اوزارا مناسبت نینگ سویه سی طفیلی ممنونیتینی تیلگه آلیب بونینگ دوام ایتتیریلیشی کیره ک لیگینی معلوم قیلدی.

ایککی اولکه اورته سیده قول قوییلگن ترجیحلی تجارت کیلیشووی و ترانزیت تجارت کیلیشووی نینگ عملی بولیشی نینگ تجارتنی و ترانزیت اوتیش نی کوپه یتیره جگینی افاده ایتگن کاکر اسلام آبادنینگ ترانز- افغانستان تیمیر یولی پروژه سی نینگ وقتیده اداغگه ییتیشیشی قرارلی لیگینی تاکییدله دی.

کاکر منطقوی علاقه، تجارت و اقتصادی علاقه نینگ افغانستان گه برقرارلیک تامین ایتووچی بیر تاثیر قالدیره جگی گه دقت تارتدی.

ایککی رهبر منطقوی خوفسیزلیک و برقرارلیک بیلن تیگیشلی موضوعلر بوییچه فکر المه شووی عملگه آشیردی.