جاری ییل نینگ دستلبکی ییتتی آییده اوزبیکستان گه تورت میلیون گه یقین توریست کیلدی

جاری ییل نینگ دستلبکی 7 آییده اوزبیکستان گه 3 میلیون 680 مینگ توریست کیلدی. 

اوزبیکستان دولت احصائیه آژانسی تامانیدن بیریلگن بیاناتده, میلادی 2023- ییل جنوری بیلن جولای آی لری آره سیده چیت ایللردن کیلگن توریست سانی نینگ 3 میلیون 680 مینگ نفر گه ییتگن لیگی بیلدیریلدی. 

اوزبیکستان گه اینگ کوپ (1 میلیون 151 مینگ 400 نفر) تاجیکستانلیک توریست نینگ کیلگن لیگی معلوم قیلیندی. 

اوشبو مدت دوامیده قیرغزستاندن 912 مینگ 800, قزاقستاندن 879 مینگ, روسیه دن 417 مینگ 400, تورکیه دن 58 مینگ, جنوبی کوریا دن 20 مینگ 200, هندوستاندن 20 مینگ, چین دن 17 مینگ 700 و آلماندن ایسه 14 مینگ 100 نفر توریست کیلدی. 

کرونا ویروس پاندمیسی دن آلدین میلادی 2019- ییلده اوزبیکستان گه 6 میلیون 748 نفر توریست کیلگن ایدی.  جاری ییلده اوزبیکستان گه کیله دیگن توریست سانی نینگ پاندمی دن آلدینگی رقم لر گه ییتیشیشی هدف قیلیب آلینماقده. 

میلادی 2020- ییلده اوزبیکستان گه کیلگن توریست سانی کووید- 19 پاندمیسی سببلی 1 میلیون 5 یوز مینگ نفر گه توشیب کیتگن ایدی. 

میلادی 2021- ییلده اوزبیکستان گه 1 میلیون 8 یوز مینگ نفر سیاح کیلرایکن, 2022- ییلده ایسه اوشبو رقم 5 میلیون 200 مینگ نفر گه کوتریلیب کیتگن ایدی.