ایران ده اویوشتیریلگن هجوم نینگ مسؤلیتینی ترور تشکیلاتی داعش بوینی گه آلدی

ایران نینگ شیراز شهریده جایلشگن شاه چراغ تربتی گه قره ته اویوشتیریلگن قوراللی هجوم بیلن تیگیشلی 4 کیشی قولگه آلیندی.

انتخاب خبر سایتی گه کوره فارس ولایتی باش قاره لاوچیسی کاظم موسوی قولگه آلینگنلرگه تیگیشلی معلومات بیردی.

موسوی

"تاوناون کیچقرون یوزبیرگن هجوم بیلن تیگیشلی 4 نفر قولگه آلیندی. هجوم گه قول اورگن تروریست جنگری تحقیق آستیده." دیدی.

ایران دولت تلویزیونی هجوم حادثه سی نینگ مسؤلیتینی ترور تشکیلاتی داعش نینگ اوز بوینی گه آلگن لیگینی افاده ایتدی.

فارس والی لیگی تامانیدن بیریلگن بیاناتده, هجومده حاضرگه چه 4 کیشی نینگ حیاتینی یوقاتگن لیگی بیلدیریلگندی.

ایران رسمی خبر آژانسی ایرنا ایسه بوگونگی خبریده اولگنلر سانینی 1 ایتیب توزه تر ایکن 8 کیشی نینگ یره لنگن لیگینی قید ایتدی.

میلادی 2022- ییل 26- اکتوبر کونی شاه چراغ تربتی گه قره ته 3 نفر ترورچی تامانیدن اویوشتیریلگن قوراللی هجوم عاقبتیده 13 کیشی حیاتینی یوقاتگن ایدی. 

ترور تشکیلاتی داعش اجتماعی ترماق آرقه لی ترقه تگن یازمه بیاناتیده اوشبو حمله نینگ مسئولیتی نی اوز بوینی گه آلگن ایدی. 

خوددی شوو هجوم نینگ فاعل لری دن ایکّی نفری 8- جولای کونی اعدام ایتیلگن ایدی.