پاکستانده اویوشتیریلگن ترورچیلیک هجومی عاقبتیده کوپلب کیشی حیاتینی یوقاتدی

پاکستان نینگ بلوچستان ایالتیده اویوشتیریلگن بمبی ترورچیلیک هجومیده, آره سیده بیر سیاستچی نینگ هم موجود بولگن 7 کیشی حیاتینی یوقاتدی. 

پاکستان نشرات ارگان لری نینگ خبری گه کوره, بلوچستان نینگ کیچ منطقه سیده یول چیککه سیگه جایلشتیریلگن ریموت کنتروللی بمب, ملکی بیر موتر نینگ اوته یاتگن پیتده پارتلب کیتدی. 

اوشبو حادثه عاقبتیده بلوچستان خلق حزبی دن اسحق یعقوب نینگ هم آره سیده موجود بولگن 7 کیشی حیاتینی یوقاتدی. 

مذکور حمله نینگ مسئولیتی نی ایسه حاضرچه هیچ بیر تامان اوز ذمه سیگه آلمه گن. 

شمالی وزیرستان منطقه سیده ایسه ایرته لب یوز بیرگن پارتلش عاقبتیده ایر و خاتین 2 نفر عادی اهالی حیاتینی یوقاتگن ایدی. 

پاکستانده اینیقسه خیبر پختونخوا و بلوچستان ایالتلریده سونگّی آی لرده ترورچیلیک هجوم لری آرتدی. 

اسلام آباد, اوشبو هجوم لرنینگ افغانستانده جایلشگن پاکستان طالبانی تامانیدن ریجه لنگن لیگینی بیلدیررایکن, افغانستان ایسه خوددی شوو ادعا نی رد ایتماقده.