تورکمنستان - اوزبیکستان – تاجکستان دولت رهبرلری اوزارا اوچره شوو اوتکزدی
اوشبو رهبرلر تورکمنستان نینگ پایتختی عشق آبادده اوچره شدی
2020379
تورکمنستان دولت باشلیغی سردار بیردی محمدوف اوزبیکستان جمهور باشلیغی شوکت میزضیایف بیلن تاجکستان جمهور باشلیغی امام علی رحمان بیلن علیحده علیحده اوچره شدی.
میرضیایف بیلن رحمان تورکمنستان - اوزبیکستان – تاجکستان اورته سیده بولیب اوته دیگن اوچ تامانلیک جلسه اوچون تورکنستان نینگ پایتختی عشق آبادگه تشریف بیوردی.
تورکمنستان خلق مصلحتی باشلیغی قربانقلی بیردی محمدوف مهمان رهبرلرنی قونلغه ده کوتیب آلدی.
تورکمنستان دولت باشلیغی سردار بیردی محمدوف آرقه تاغ هوتلیده اوزبیکستان جمهور باشلیغی میرضیایف و تاجکستان جمهور باشلیغی رحمان بیلن علیحده علیحده اوچره شدی.
تورکمنستان دولت خبر آژانسی (TDH) خبر بیریشیچه رهبرلر اوزارا همکارلیک نی کوچه یتیریلیش، خلق ارا و منطقوی سویه ده اوزارا منفعتلر بیلن تیگیشلی موضوعلرنی تیلگه آلگن.
