بیرلشگن عرب امیرلیکلریده اونلب ایرانلیک محکوم قوییب یوباریلدی

بیرلشگن عرب امیرلیکلریده قماقخانه ده بولگن 21 ته ایرانلیک محکوم قوییب یوباریلدی.

ایران تشقی ایشلر وزیرلیگی تامانیدن خبر بیریلیشیچه، تشقی ایشلر وزیری حسین امیر عبدالله یان آلدینگی هفته لرده بیرلشگن عرب امیرلیکلری نینگ پایتختی ابوظبی گه قیلگن سفری چاغیده گی اوچره شوولری دایره سیده بیرلشگن عرب امیرلیکلری دولت باشلیغی محمد بن زاید آل نهیان بیلن اوچره شر ایکن خوددی شو اوچره شوونینگ آرتیدن آل نهیان نینگ بویروغی بیلن بو اولکه ده قماقخانه ده بولگن 21 ته ایرانلیک آزاد ایتیلدی.

قوییب یوباریلگن 21 نفر ایرانلیک محکوم آل نهیان تامانیدن کیچیریلدی و اداری ایشلری نینگ آرتیدن اولکه لریگه قیتیب باره دیلر.

اوشبو کیشیلرنینگ قیسی جرملردن محکوم ایتیلگن لیکلری و قچاندن بیری بیرلشگن عرب امیرلیکلریده قماقده ایکن لیکلری بوییچه معلومات بیریلمه دی.

ایران تشقی ایشلر وزیری عبدالله یان 22 جون تاریخیده بیرلشگن عرب امیرلیکلریده گی تشریفی چاغیده بیرلشگن عرب امیرلیکلری دولت باشلیغی آل نهیان بیلن اوچره شگندی.

آلدین هم 13 جولایده بیرلشگن عرب امیرلیکلریده قماقخانه ده گی 15 ته ایرانلیک محکوم قوییب یوباریلگندی.