ایرانده چنگ طوفانی باعث یوزلب کیشی کسلخانه گه آلیب باریلدی

ایران نینگ سیستان بلوچستان ولایتیده چنگ بورانی (طوفانی) باعث سونگّی تورت کونده کسلخانه گه آلیب باریلگن لر سانی 764 نفر گه ییتدی. 

ایران رسمی خبر آژانسی ایرنا نینگ بیرگن خبریده, سیستان بلوچستان بحران نی باشقریش رهبریتی باشلیغی مجید محبی نینگ, ولایت نینگ زابل, زهک, هامون, هیرمند و نیمروز شهر لریده چنگ طوفانی سببلی سونگّی تورت کونده 764 کیشی نینگ کسلخانه گه آلیب باریلگن لیگی نی بیلدیرگن لیگی معلوم قیلیندی. 

کسلخانه گه انتقال ایتدیریلگن 649 کیشی نینگ کسلخانه دن چیققن لیک لرینی معلوم قیلگن محبی, 115 کیشی نینگ تداوی سی نینگ ایسه دوام ایتیاتگن لیگی نی بیلدیردی.