یمن ایران نینگ بیر کیمه سینی قولگه آلدی

یمن حکومتی ایران گه باغلیق ایچیده 3 تن مخدره مواد بولگن بیر کیمه نینگ قولگه آلینگن لیگینی بیلدیردی.

یمن خبرلشوو و علاقه وزیری معمر العریانی بیرگن یازمه بیاناتده قیرغاق خوفسیزلیک کوچلری نینگ اولکه نینگ شرقیده جیالشگن مهره ولایتی دینگیز ساحه سیده ایران نینگ بیر کیمه سینی قولگه آلگن لیگینی بیلدیردی.

اوشبو کیمه دن 3 مینگ 173 کیلو گرام مخدره مواد قولگه کیریتیب آلینگن لیگینی معلوم قیلگن العریانی ایران تبعه سی 7 کیشی کیمه پرسونلی نینگ قولگه آلینگن لیگینی ایتدی.

خبرلشوو و علاقه وزیری العریانی بیرلشگن ملتلر تشکیلاتی خوفسیزلیک کینگشیدن "ایران نینگ منطقه نی قوراللی جنگریلر و مخدره مواد سوقیاتی بیلن تولدیریش اورونیشلرینی" قاره لشینی طلب ایتدی.

ایران مقاملری تامانیدن موضوع بوییچه حلی گچه بیانات بیریلگن یوق.  

یمنده ایران قوللب – قوتله گن حوثیلر 2014 ییلی سپتامبر آییدن بیری پایتخت صنعا و بعضی بیر منطقه لرنینگ کنترولینی قولگه آلیب تورگن.

سعودی عربستان باشچیلیگیده گی ائتلاف کوچلری ایسه 2015 ییلی مارچ آییدن بیری حوثیلرگه قرشی یمن حکومتینی قوللب – قوتله ماقده.