ایران جمهور رئیسی سعودی عربستان قرالی نینگ چقیریغی گه ایجابی جواب بیردی

ایران جمعور باشلیغی ابراهیم رئیسی سعودی عربستان قرالی سلمان بن عبدالعزیز ال سعودنینگ چقیریغی گه اولمیلی یانداشوو کورستدی.

ایران نینگ یریم رسمی خبر آژانسی مهر خبر بیریشیچه ایران جمهور باشلیغی اورینباسری محمد مخبر کون ترتیبی بوییچه بیانات بیردی.

اولکه سی نینگ سعودی عربستان و کورفز اولکه لری بیلن بولگن مناسبتلریگه تماس قیلگن مخبر،

"حرمتلی رئیسی جمهور رئیس ایتیب سیلنگن بیرینچی کوندن بیری اساسی ستراتیژیسی، منطقوی اولکه لر بیلن مناسبتلرنی کوچه یتیریش و آلغه آلیب باریش دیر" دیب ایتدی.

مخبر قرال سلمان نینگ ایران جمهور باشلیغی ابراهیم رئیسی نی ریاض گه دعوت ایتگن لیگینی ایسله تیب اوتدی.

مخبر "قرال سلمان جمهور باشلیغینی دعوت ایتدی و بو دعوت گه اولیملی یانداشوو کورستیلدی. انشالله گوزه ل نرسه لر بوله دی" دیدی.

سعودی عربستانده 2016 ییلی 2 جنوری تاریخیده ایچلریده شیعه دین عالمی هم بولمیش 47 کیشی "ترورچیلیک" عیبلاوی بیلن اعدام ایتیلگندی.

بو اعدام نی قاره له گن ایرانلیک ییتکچیلر بیرگن کیتمه کیت بیاناتلرنینگ آرتیدن سعودی عربستان نینگ تهران بویوک ایلچی لیگی بیلن مشهدده گی قونسل لیگی ایرانده گی مظاهره چیلر تامانیدن اوتگه بیریلگندی.

2015 ییلی مارچ آییده باشله گن یمن ده گی بحران طفیلی بحرانی بولگن ایککی اولکه اورته سیده گی دیپلوماتیک مناسبت بوتونله ی کیسیلیب قالگندی.   

ایران بیلن سعودی عربستان ییتکچیلری 2021 ییلی نینگ اپریل آییده عراق نینگ پایتختی بغدادده ملاقات اوچون اوچره شگندی. نهایت ختای نینگ واسطه چیلیگیده پکینده اوتکزیلگن اوچره شوولرنینگ آرتیدن 10 مارچده دیپلوماتیک علاقه لرنینگ قیته دن باشلش قراری قبول قیلیب آلینگندی.

ایران جمهور رئیسلیگی سیاسی ایشلر مسؤلی اورینباسری محمد جمشیدی 19 مارچ کونی قرال سلمان نینگ رئیسی گه بیر نامه آرقه لی ریاض گه چقیرگن لیگینی بیلدیرگندی.