افغانستان نینگ تهران بویوک ایلچی لیگی طالبان باشقروویگه تاپشیریلدی
آلدینگی حکومت تعیین قیلگن دیپلوماتلر بویوک ایلچیلیک نی ترک ایتیب گیتگن
طالبان اوتیش دوری تشقی ایشلر وزیرلیگی سوزچیسی عبدالقهار بلخی شخصی تیویتر آدرسی آرقه لی موضوع بوییچه بیانات بیردی.
بلخی افغانستان تهران بویوک ایلچی لیگی گه ینگی نماینده و دیپلوماتلر تعیین قیلینگن لیگینی معلوم قیلیب خوددی شو بیلن بویوک ایلچی لیک فعالیتلری نینگ آلیب باریله جگینی افاده ایتدی.
افغانستان نینگ تهران بویوک ایلچی لیگیده گی دیپلوماتلر ایسه بویوک ایلچیلیک نی ترک ایتیب کیتگن.
تورکمنستان، پاکستان، روسیه و چین ده گی افغانستان بویوگ ایلچیلیکلری اوتگن ییل طالبان باشقروویگه تاپشیریلگندی.
دنیا مقیاسیده قالگن ایریم افغانستان بویوک ایلچیلیکلریده ایسه آلدینگی حکومت تامانیدن تعیینلنگن دیپلوماتلر وظیفه آلیب بارماقده.
اولکه لریده گی بویوک ایلچیلیکلر طالبان گه تاپشیریلگن دولتلر قاله ویرسه هیچ بیر اولکه حلی گچه طالبان باشقرووینی رسمی روشده تن آلگن یوق.
طالبان 2021 ییلی 15 اگست تاریخیده افغانستان باشقرووینی قولگه کیریتیب آلگندی.
