اوزبیکستان جمهور باشلیغی میرضیایف مصرگه تشریف بیوردی
ایککی اولکه رهبری افغانستان موضوعینی هم تیلگه آلدی
اوزبیکستان جمهور باشلیغی شوکت میرضیایف بیلن مصر جمهور باشلیغی عبدالفتاح السیسی فلسطین موضوعی قاله ویرسه اوکراین اوروشی بیلن ایتیوپیا تامانیدن ساختمانی آلیب باریلگن هداسی توغونی بحرانی گه ییچیم یوللرینی تیلگه آلدی.
السیسی بیلن میرضیایف مصرنینگ پایتختی قاهره ده بولیب اوتگن اوچره شوولری نینگ آرتیدن مشترک مطبوعاتی کنفرانس اویوشتیردی.
السیسی اوزبیکستان جمهور باشلیغی بیلن بولگن اوچره شوولرده فلسطین موضوعینی ایککی دولتلی بیر ییچیم اساسی گه کوره حل ایتیلیشی اوچون بیر یول تاپیلیشی نینگ اهمیتی توغریسیده موافق بولگن لیکلرینی ایتدی.
برچه دنیاگه تاثیر قالدیرگن روسیه – اوکراین اوروشی گه سیاسی بیر ییچیم تاپیلیشی خصوصیده اوزبیکستان بیلن مشترک بیر یانداشوو ایچیده ایکن لیکلرینی قید ایتگن السیسی هداسی توغونی معماسی گه بیر ییچیم تاپیلیشی اوچون اتیوپیا تامانی نینگ حقوقی و قانونی بیر کیلیشووگه قول قویش گه تشویق ایتیلیشی کیره ک لیگینی تیلگه آلدی.
السیسی اوزبیکستان نینگ قرغزستان بیلن سوو خصوصیده کیلیشیب آلیشی بیلن میرضیایف نی تبریکله دی.
اوچره شوونینگ آرتیدن ایککی اولکه اورته سیده تجاری، زراعت، دیپلوماسی، مدنی، توریزم، ساغلیک نی سقلش کبی موضوعلر بوییچه 9 ته کیلیشووگه قول قوییش اوچون مراسم بولیب اوتدی.
مطبوعاتی کنفرانس نینگ آرتیدن بیریلگن مشترک بیاناتده، ایککی دولت رهبری تامانیدن افغانستانده برقرارلیک نینگ قوللب – قوتلنگن لیگی بو اولکه نینگ تروریستلر و افراطیلر اوچون خوفسیز بیر باش پناه وضعیتی گه کیلیشی گه رخصت بیریلمس لیگی کیره ک لیگی تاکییدلندی.
شونده ی بولیب میرضیایف السیسی نی اوز اولکه سیگه دعوت ایتدی.
