ایرانده ینه بیر نفر اعدام گه محکوم ایتیلدی

ایران اولکه ده "ترورچیلیک هجوملری اویوشتیریش» بیلن عیبلنگن و مرکزی امریکا قوشمه ایالتلریده بولمیش رژیم گه مخالف بیر تشکیلات نینگ ییتکچیسی ایکن لیگی ایتیب ادعا ایتیلگن جمشید شارمهدنی اعدام گه محکوم ایتدی.

ایران سود تیزیمی گه باغلیق میزان خبر آژانسی بیلدیریشیچه، «تندر» و «ایران قراللیک (شاهی) مجلسی» آتی بیلن تن آلینگن مرکزی امریکا قوشمه ایالتلریده بولمیش رژیم گه مخالف بیر تشکیلات نینگ ییتکچیسی ایکن لیگی ایتیب ادعا ایتیلگن جمشید شارمهدنی ایران انقلابی سودی تامانیدن «ترورچیلیک هجوملری اویوشتیریش و باشقریش آرقه لی ییر اوستیده قوزغالان یراتیش" عیبلاوی بیلن اعدام گه محکوم ایتیلدی.

اوشبو تشکیلات 2008 ییلی 12 اپریل تاریخیده شیرازده 14 کیشی اولگن و 215 کیشی یره لنگن ترورچیلیک هجومی قاله ویرسه اولکه مقیاسیده قوراللی هجوملر و ناتوغری تبلیغلر قیلیش بیلن عیبلنماقده ایدی.

ایران استخبارات وزیرلیگی تامانیدن بیریلگن بیاناتده ایران – آلمان وطنداشلیگی بولمیش و 2003 ییلیدن بیری امریکا قوشمه ایالتلریده حیات کیچیره یاتگن شامهدنی 2020 ییلی جولای آییده قولگه آلیب یورتگه کیلتیریلگن لیگی بیلدیریلگندی.   

عایله سی ایسه شامهدنی بیرلشگن عرب امیرلیکلریده آلیب قاچیریلگن لیگینی بیلدیرگندی.