روسیه دن بوغدای آلیب کیته یاتگن کیمه لر پاکستانگه ییتیب باردی

روسیه دن یولگه قوییلگن و 300 مینگ تن بوغدای تشیگن 2 ته کارگو کیمه سی، پاکستانگه ییتیب باردی.

ملی مطبوعاتده گی خبرلرگه کوره، روسیه دن پاکستانگه 300 مینگ تن بوغدای تشیگن 2 ته کارگو کیمه سی کراچی بندریگه ییتیب بارگن.

ییتکچیلر روسیه دن ینه 400 مینگ تن بوغدای نینگ 30 مارچ گچه گوادار بندریگه ییتیب باریشیدن خبر بیردی.

روسیه دن وارد قیلینگن بوغدای نینگ پاکستانده گی اون معماسینی کمه یتیریشی کوتیلماقده.

انفلاسیون و تاباره یمانلشیب بارگن اقتصادده گی وضعیت طفیلی اولکه مقیاسیده اون نرخلری تیپه گه چیقیب کیتگندی.

سند ایالتیده 8 جنوریده دولت تامانیدن ارزان ایتیب ساتیلگن اوندن قولگه کیریتماقچی بولگن سیلدن تاثیرلنگنلر یراتگن گاوجومده بیر کیشی اولیب کوپلب کیشی یره لنگندی.