ایران ده ناراضی چیلیک نمایش لریده یوزلب کیشی حیاتی نی یوقاتدی

مرکزی ناروی ده بولگن ایران انسان حق لری تشکیلاتی, ایران ده گی ناراضی چیلیک نمایش لری ده حیاتی نی یوقاتگن لر سانی نینگ 476 نفر گه ییتگن لیگی نی معلوم قیلدی. 

اوشبو تشکیلات انترنت آرقه لی ترقه تگن راپوریده, حیاتی نی یوقاتگن لرنینگ 34 کیشی سی نینگ عیال, 64 نفری نینگ ایسه 18 یاشدن کیچیک باله ایکن لیگی نی بیلدیردی. 

راپورده, اینگ کوپ کیشی نینگ سنی لرنینگ کوپچیلیک نی تشکیل ایتیاتگن سیستان- بلوچستان ولایتیده حیاتی نی یوقاتگن لیگی معلوم قیلیندی. 

اوشبو ناراضی چیلیک نمایش لری دایره سیده محسن شکاری 8- دسامبر و مجید رضا رهنور 12- دسامبر کونی اعدام ایتیلدی. 

راپورده, کمیده 100 کیشی نینگ اعدام یاکه قماققه محکوم قیلینیشی نینگ ممکن ایکن لیگی بیلدیریلرایکن, حاضرگی کونده هم اعدام گه محکوم قیلینگن کیشی لرنینگ موجود ایکن لیگی ایسله تیلدی. 

ییگیرمه ایکّی یاشلی مهسا امینی نینگ تهران ده 13- سپتامبر کونی قولگه آلینیشی آرتیدن کسل بولگن لیگی سببلی کسلخانه گه آلیب باریلیشی کیتیدن 16- سپتامبر کونی وفات ایتگن لیگی سببلی, ایران رهبریتی گه قرشی ناراضی چیلیک نمایش لری باشلب کیتگن ایدی. 

ایران خوفسیزلیک کینگشی 3- دسامبر کونی بیرگن بیاناتیده, ناراضی چیلیک نمایش لریده حیاتی نی یوقاتگن لر سانی نینگ 200 نفر دن آشگن لیگی نی بیلدیرگن ایدی. 

ایران مسئول لری, اوشبو کیشی لرنینگ خوفسیزلیک کوچ لری ایمس, بلکه "تحریک ایتووچی لر" تامانیدن اولدیریلگن لیک لری نی بیلدیرماقده.