پاکستانده جنگری لر پولیس مرکزی نی قولگه کیریتدی

پاکستان نینگ خیبر پشتونخوا ایالتیده جنگری لر نینگ, بیر پولیس مرکزی نی قولگه کیریتیب ایچیده گی امنیتی پرسونلی نی آلیب قاچیرگن لیگی بیلدیریلدی. 

پاکستان نشراتی اورگان لری نینگ خبری گه کوره, بنو تروریزم گه قرشی کوره ش مرکزی, خوددی شوو ییرنینگ اوزیده نظارت آستیده بولگن جنگری لر تامانیدن قولگه کیریتیلدی. 

یوز بیرگن توقنه شووده پولیس مرکزی ده گی ایکّی پولیس نی یره له گن جنگری لر, قالگن امنیتی پرسونل نی ایسه آلیب قاچیردی. 

مسئول لر, آلیب قاچیریلگن کیشی لرنینگ قوتقریلیشی اوچون عملیات باشله تیلگن لیگی نی بیلدیررایکن, جنگری لرنینگ امنیت بیر شکلده افغانستان گه اوتکزیلیش نی طلب ایتگن لیگی نی معلوم قیلدی.

اوشبو پولیس مرکزی ده تقریباً 15 پولیس نینگ موجود ایکن لیگی و 6 الی 7 کیشی نینگ آلیب قاچیریلگن لیگی بیلدیریلماقده. 

اوشبو جنگری لرنینگ کیملیگی ایسه انیقلنمه گن. 

ترور تشکیلاتی پاکستان طالبانی, 28- نوامبرده اجتماعی ترماق آرقه لی بیرگن بیاناتیده, 10- می کونی اسلام آباد رهبریتی بیلن باشله تیلگن آتشکیسین نینگ اداققه ییتگن لیگی و جنگر لر گه خوفسیزلیک کوچ لری گه قرشی هجوم اویوشتیریش امری نینگ بیریلگن لیگی نی بیلدیرگن ایدی. 

اوشبو ترور تشکیلاتی خوددی شوو کون دن باشلب خوفسیزلیک کوچ لری گه قره تیلگن هجوم لری نی آرتیرگن ایدی.