ایران ده ناراضی چیلیک نمایش لری دوام ایتماقده

ایران ده, 22 یاشلی مهسا امینی نینگ قولگه آلینیشی آرتیدن حیاتی نی یوقاتگن لیگی سببلی باشله گن ناراضی چیلیک نمایش لری توناون هم ایریم شهر لر و عالی بیلیم یورت لریده دوام ایتدی. 

تهران طب عالی بیلیم یورتی دن بیر گروپ اوقووچی, شهرده گی امام خمینی کسلخانه سیده ناراضی چیلیک نمایش لری اوتکزدی. 

اوشبو ناراضی چیلیک نمایش لری نینگ ایریم استاد لر تامانیدن هم حمایه لنگن لیگی بیلدیریلدی. 

عینی دمده سیستان بلوچستان بیلیم و مدنیت بیلن شیراز طب بیلیم لری عالی بیلیم یورتی اوقووچی لری هم ناراضی چیلیک بیلدیردی. 

مازندران نینگ نوشهر شهریده, مهسا امینی بیلن علاقه لی ناراضی چیلیک نمایش لریده حیاتی نی یوقاتگن بیر کیشی وفاتی نینگ 40- کونیده یاد ایتیلدی.  کوپلب کیشی نینگ اشتراک ایتگن اوشبو مراسمده ایران رهبریتی گه قرشی شعار بیریلدی. 

کردستان ولایتی نینگ مرکزی ده ایسه دوکاندار لر ناراضی چیلیک نمایش لری نی حمایه لش اوچون دوکان لری نی بیر کونلیک بیر مدت بیلن یاپیب قویدی. 

کیچکی پیتده اوشبو شهر نینگ بهاران منطقه سیده نمایشچی لر اوت یاقیب یول نی یاپیب قویدی.  ایریم پیتلرده شهرده فیر سیس لری ایشیتیلدی. 

پایتخت تهران ده 13- سپتامبر کونی اخلاق پولیسی 22 یاشلی مهسا امینی نی قولگه آلدی. کیین امینی کسل بولیب قالگن لیگی سببلی کسلخانه گه آلیب باریلدی.  امینی 16- سپتامبر ده کسلخانه ده حیاتی نی یوقاتدی.  شوباعث ایران ده ناراضی چیلیک نمایش لری باشلب کیتدی.