کنیاده بیر پاکستانلیک ژورنالیست اولدیریلدی

پاکستانلیک ژورنالیست و تلویزیون پروگرامی آلیب بارووچیسی ارشاد شریف، کنیانینگ پایتختی نایروبیده کیم لیگی نامعلوم کیشیلر تامانیدن اویوشتیریلگن هجوم عاقبتیده حیاتینی یوقاتدی.

ملی مطبوعاتده اورین آلگن خبرلرگه کوره، ژورنالیست شریف نینگ تورموش اورتاغی جوریه صدیق، تویتر آدرسی آرقه لی بیرگن بیاناتده، تنیقلی پروگرام آلیب بارووچیسی نینگ اویوشتیریلگن قوراللی هجوم عاقبتیده جان بیرگن لیگینی بیلدیردی.

اوشبو ژورنالیست نینگ اولیمی نینگ آرتیدن جمهور باشلیغی عارف علوی و باش وزیر شهباز شریف قاله ویرسه انچه کیشی قیغوداشلیک پیامی ترقه تدی.

بعضی بیر ژورنالیستلر ایسه شریف نینگ اولیشیدن حکومت بیلن اردونی عیبدار دیب اته دی.

آلدینگی باش وزیر عمران خان نینگ یخشی بیر حمایه گری بولگن شریف، شهباز شریف حکومتینی و اردونی قتّیق قاره له ماقده ایدی.

ARY نیوز تلویزیونیده ییتکچیلیگینی عمران خان آلیب بارگن پاکستان عدالت حزبی (PTI) نینگ خاص قلم مدیری شهباز گیل بیلن اوتکزگن پروگرامی نینگ آرتیدن حقیده تیرگاو باشله تیلگن ارشاد شریف، بو حادثه نینگ ؛آرتیدن اگست آییده انگلستان نینگ پایتختی لندن گه کیتگندی.

شریف نینگ کنیاگه نیمه اوچون کیتگن لیگی حلی گچه انیقلنمه دی.