ایرانده خوفسیزلیک کوچلری اوق اوزدی؛ ییگیرمه یاشلی بیر عیال کیشی حیاتی نی یوقاتدی

ایرانده مهسا امینی نینگ, "حجاب قاعده لری گه رعایت قیلمه گن لیگی" سببلی قولگه آلینیشی آرتیدن اولگن لیگی باعث باشله گن ناراضی چیلیک نمایش لری دوام ایترایکن, کرج ده, خوفسیزلیک کوچ لری نینگ اوق اوزیشی عاقبتیده حدیث نجفی ناملی عیال کیشی حیاتی نی یوقاتدی. 

مخالف لر گه عاید ایران وایر خبر سایتی نینگ بیرگن خبریده, 21- سپتامبر کونی ناراضی چیلیک نمایش لری جریانیده کرج تومنی ده خوفسیزلیک کوچ لری نینگ اوق اوزیشی عاقبتیده یره لنگن 20 یاشلی حدیث نجفی نینگ, کسلخانه ده حیاتی نی یوقاتگن لیگی بیلدیریلدی.

اجتماعی ترماق آرقه لی ترقه تیلگن خبر لر گه کوره, سینگلی سی, حدیث نجفی نینگ اولگن لیگی نی تائید ایتدی. 

ایران پایتختی تهران ده اخلاق پولیسی تامانیدن قولگه آلینیشی آرتیدن کسل بولگن لیگی اوچون کسلخانه گه انتقال ایتتیریلگن 22 یاشلی عیال مهسا امینی نینگ 16- سپتامبر کونی حیاتی نی یوقاتیشی آرتیدن ایران ده ناراضی چیلیک نمایش لری باشلب کیتدی.