چیگره مسئله سی بوییچه اوزبیکستان بیلن قیرغزستان اورته سیده کیلیشوو امضالندی

چیگره نینگ انیقله نیشی بوییچه اوزبیکستان بیلن قیرغزستان اورته سیده اورتاق بیر کیلیشوو امضالندی.

قیرغزستان حکومتی مطبوعات مرکزی, ایکله اولکه دولت لری اورته سیده چیگره نی انیقلش هیئت لری نینگ پایتخت بشکیک ده اوچره شگن لیگی بیلدیریلدی. 

ییغیلیش آرتیدن قیرغزستان ملی خوفسیزلیک دولت کمیته سی باشلیغی و وزیرلر کینگشی باشلیغی نینگ اورینباسری قمچی بیک تاشی اف بیلن اوزبیکستان باش وزیری عبدالله عارف اف اورته سیده چیگره نی انیقلش بوییچه اورتاق کیلیشوو امضالنگن لیگی معلوم قیلیندی. 

بیاناتده, کیلیشوو نینگ, قیرغز- اوزبیک دولت چیگره سی نینگ معلوم بولیم لری بیلن علاقه لی ینگی بیر لایحه حقیده کیلیشیب آلیش توغریسیده بیر پروسه نینگ باشله تیلیشی نی قمره گن لیگی بیلدیریلدی. 

قیرغزستان بیلن اوزبیکستان اورته سیده 1379 کیلومترلیک اورتاق چیگره نینگ 200 کیلومترلیک بولیمی بیلن علاقه لی میلادی 2021- ییل 23- و 25- مارچ کون لریده اوزبیکستان پایتختی تاشکینت ده بولیب اوتگن مذاکره لرده چیگره گه تیگیشلی مسئله نینگ ایکّی تامانلمه اوله راق توپراق اوزگریشی یولی بیلن ییچیلگن لیگی بیلدیریلگن ایدی.