ایران ده ناراضی چیلیک نمایش لریده کوپلب کیشی حیاتی نی یوقاتدی

ایران دولت تلویزیونی, اوشبو اولکه ده, 22 یاشلی بیر عیال کیشی نینگ قولگه آلینیشی آرتیدن حیاتی نی یوقاتگن لیگی سببلی باشله گن ناراضی چیلیک نمایش لریده اولگن لر سانی نینگ 26 نفر گه ییتگن لیگی نی معلوم قیلدی. 

پایتخت تهران ده 13- سپتامبر کونی ارشاد تیم لری تامانیدن قولگه آلینیشی آرتیدن کسل بولگن لیگی باعث کسلخانه گه آلیب باریلگن مهسا امینی نینگ 16- سپتامبر کونی حیاتی نی یوقاتگن لیگی سببلی باشله گن ناراضی چیلیک نمایش لری, ایران نینگ کوپلب ولایت, تومن و قصبه لری گه کینگ قولاچ یاییب کیتدی. 

ایران لیک مسئول لر اوشبو ناراضی چیلیک نمایش لری جریانیده جان بیرگن کیشی لر سانی حقیده انیق معلومات بیرمس ایکن, جانلی کورسَتووده گپیرگن دولت تلویزیونی نطاقی, "افسوس که اوشبو حادثه لر ده آره سیده پولیس لرنینگ هم موجود بولگن 26 کیشی حیاتی نی یوقاتدی" دیدی. 

نطاق, نیچه کیشی نینگ اولگن لیگی حقیده انیق معلومات نینگ رسمی مسئول لر تامانیدن بیریله دیگن لیگی نی بیلدیردی. 

بعضی خبرلر گه کوره, سونگّی کونلرده آره سیده ژورنالیست لر, سیاستچی لر و مدنی فعال لرنینگ هم موجود بولگن کوپلب کیشی ایسه قولگه آلیندی. 

ناراضی چیلیک نمایش لریده اولگن, یره لنگن و قولگه آلینگن کیشی لر سانی حقیده انیق معلومات نینگ موجود ایمس لیگی گه قره مه ی, فرقلی وقت لرده بیریلگن بیانات لر گه قره گنده, حاضرگه چه 6 نفری امنیتی پرسونل دن عبارت کمیده 17 کیشی حیاتی نی یوقاتگن. 

یریم رسمی تسنیم خبر آژانسی, رضوی خراسان ولایتی نینگ کوچان شهریده گی حادثه لرده بیر منصبدار نینگ اولگن لیگی نی بیلدیردی. 

عینی دمده ایران اردوسی هم اوشبو حادثه لر بیلن علاقه لی بیانات بیردی. 

اوشبو بیاناتده, مذکور ناراضی چیلیک نمایش لری "دشمن لر نینگ دسیسه سی" اوله راق بهالنتیریلدی.

بیاناتده, "قوراللی کوچ لرنینگ, دشمن لرنینگ فرقلی دسیسه لری گه قرشی کوره شیش گه تیار ایکن لیگی و دشمن لرنینگ اوشبو وضعیت دن فایده له نیشی گه هیچ بیر شکلده اجازت بیریلمه یدیگن لیگی" بیلدیریلدی.