اوزبیکستان نینگ سمرقند شهریده شانگهای همکارلیک تشکیلاتی رهبر لر ییغیلیشی باشله دی

شانگهای همکارلیک تشکیلاتی رهبر لر ییغیلیشی اوزبیکستان نینگ تاریخی سمرقند شهریده ینگی قوریلگن "ایپک یولی سمرقند" خلق ارا توریزم منطقه سیده گی کنگره مرکزی ده باشله دی. 

اوزبیکستان جمهوررئیسی شوکت میرضیایف میزبانلیگیده باشله گن اوشبو ییغیلیشده تشکیلات اعضاسی اولکه لردن عبارت روسیه, چین, قزاقستان, قیرغزستان, تاجیکستان, پاکستان و هندوستان رهبر لری ولادیمیر پوتین, شی جینپینگ, قاسم جومرت توکایف, صدر جباروف, امام علی رحمان, شهباز شریف بیلن ناریندرا مودی اشترک قیلماقده. 

ناظر اولکه لر دن عبارت بلاروس, مغولستان و ایران رهبر لری الکساندر لوکاشنکو, اوخناگین خورلسوخ بیلن ابراهیم رئیسی هم خوددی شوو ییغیلیشده اشتراک قیلگن کیشی لر آره سیده اورین آلماقده. 

عینی دمده تورکیه, تورکمنستان و آذربایجان جمهوررئیس لری رجب طیب اردوغان, سردار بیردی محمدوف و الهام علی اف هم چقیریلگن رهبر لر صفتیده اوشبو ییغیلیشده اشتراک قیلماقده. 

اوشبو ییغیلیش اوزبیکستان جمهوررئیسی شوکت میرضیاف نینگ معروضه سی بیلن باشله دی.