ایران ده بنا قوله دی؛ ییگیرمه ایکّی کیشی اولدی

ایران نینگ جنوبغربیده گی خوزستان ولایتی گه باغلیق آبادان شهریده 23 – می کونیده 10 قَوَتلی بیر بنا نینگ قوله شی عاقبتیده حیاتی نی یوقاتگن لر سانی 22 نفر گه کوتریلیب کیترایکن, 44 کیشی ایسه قوله گن بنا نینگ تگیدن چیقاریلدی. 

ایران دولت تلویزیونی نینگ بیرگن خبری گه کوره, آباداان والی سی احسان عباسپور, قوریلیش ایش لری دوام ایتیاتگن 10 قوتلی بیر بنا نینگ قوله شی عاقبتیده حیاتی نی یوقاتگن لر سانی نینگ 22 نفر گه کوتریلیب کیتگن لیگی نی بیلدیردی. 

عباسپور, یره لنگن کیشی لر سانی نینگ ایسه 37 ایکن لیگی نی معلوم قیلدی.

خوزستان قیزیل یریم آی جمعیتی نینگ باشلیغی وحید شعبانی حاضر هم دوام ایتیاتگن قیدیرو- قوتقرو فعالیت لری نتیجه سیده 48 کیشی نینگ قوله گن بنا نینگ تگیدن چیقاریلگن لیگی نی بیلدیردی. 

اوشبو بنا نینگ قوله شی آرتیدن آبادان شهرداری حسین حمیدپور بیلن آلدینگی شهردار داخل 11 کیشی نینگ اوشلنگن لیگی بیلدیریلگن ایدی.