پاکستانده عمران خان ناراضیچیلیک نمایشینی اداغگه ییتکزگن لیگینی بیلدیردی

حکومت گه مهلت بیریب ناراضیچیلیک نمایشینی اداغگه ییتکزدی

1832816
پاکستانده عمران خان ناراضیچیلیک نمایشینی اداغگه ییتکزگن لیگینی بیلدیردی

پاکستان نینگ سابق باش وزیری عمران خان سیلاو تاریخی نینگ تعیین قیلینیشی و مجلس نینگ فسخ قیلینیشی اوچون حکومت گه 6 کون مهلت بیریب پایتخت اسلام آبادده گی نمایشینی اداغگه ییتکزدی.

خان اسلام آبادنینگ 9 – جاده سیده پاکستان عدالت حرکتی حزبی نینگ منسوبلریگه خطاب قیلیب گپیردی.

خان اوشبو صحبتی بیلن حکومت گه 6 کون مهلت بیریب پایتخت اسلام آبادده گی نمایشینی اداغگه ییتکزدی.

عمران خان سیلاو قراری قبول قیلیب آلینمه گن تقدیرده طرفدارلری بیلن قیته دن پایتخت گه قیتیب کیلیشی بوییچه آگاهلنتیردی.

خان 22 می تاریخیده پشاور شهریده قیلگن صحبتیده ینگی حکومت نی قبول ایتمسلیکلرینی معلوم قیلیب طرفدارلرینی وقتینچه لیک سیلاوگه باسیم عملی قیلیش مقصدی بیلن 25 می تاریخیده اسلام آبادده نمایش اوتکزیش گه چقیرگندی.  

اسلام آباد باشقرووی ایسه عمران خان نینگ نمایشینی منع قیلیب قویگندی.

پاکستان پارلمانیده 10 اپریلده اوتکزیلگن ایشانچ رای بیریشی سیلاوی نتیجه سیده عمران خان نینگ حکومتی قوله گندی.

بیراق 11 اپریلده گی رای بیریش نتیجه سیده سابق باش وزیر نواز شریف نینگ اوکه سی شهباز شریف کوپچیلیک نینگ ایشانچینی قولگه کیریتیب باش وزیر ایتیب سیلنگندی.



علاقه لی ینگی لیکلر