پاکستانده ناراضی چیلیک نمایش لری اوتکزیلدی
عمران خان تویتر آرقه لی بیرگن بیاناتیده, نمایشچی لر گه منتدارچیلیک بیلدیردی
پاکستانده سابق باش وزیر عمران نینگ حمایه چی لری مملکت نینگ فرقلی شهر لریده خان نینگ ایشدن بوشه تیلگن لیگی گه قرشی ناراضی چیلیک نمایش لری اوتکزدی.
محلی مطبوعاتده باسیلیب چیققن خبر لر گه کوره, پاکستان عدالت حرکتی حزبی نینگ رهبری خان نینگ چقیریغی گه بناً پایتخت اسلام آباد, کراچی, لاهور, پشاور, ملتان و باشقه کوپلب شهر لرده ناراضی چیلیک نمایش لری اوتکزیلدی.
قوللری گه پاکستان عدالت حرکتی حزبی و پاکستان بیراغی نی آلگن نمایشچی لر, عمران نی قوللب- قوتلیاتگن لیک لری نی بیلدیررایکن, خان نینگ ایشدن بوشه تیلیشی اوچون شرایط تامین ایتیب بیرگن رقیب حزب لر گه هم عکس العمل کورستدی.
عینی دمده خان, تویتر آرقه لی بیرگن بیاناتیده, نمایشچی لر گه منتدارچیلیک بیلدیردی.
آلدینگی کون, پارلمانده اعتماد رایی کسب ایته آلمه گن خان نینگ حکومتی 174 منفی رای آلیب قوله گن ایدی.
