ایران هسته ای مذاکره لریده امریکا بیلن اوچره شوو اوتکزیش نینگ ممکن ایکن لیگینی ایتدی
موضوع بوییچه ایران تشقی ایشلر وزیری حسین امیر عبدالله یان بیانات بیردی
ایران تشقی ایشلر وزیری حسین امیر عبدالله یان هسته ای مذاکره لریده کیلیشووگه باریش اوچون امریکا قوشمه ایالتلری بیلن اوچره شوو اوتکزیشلری نینگ ممکن ایکن لیگینی ایتدی.
عبدالله یان پایتخت تهرانده تشقی ایشلر وزیرلیگی خلق ارا سیاست تحقیق مرکزی تامانیدن اویوشتیریلگن ایران و قوشنی اولکه لر کنفرانسیده قیلگن صحبتده هسته ای مذاکذه لر و امریکا قوشمه ایالتلری بیلن اوچره شوولر حقیده بیانات بیردی.
امریکا قوشمه ایالتلری نینگ تورلی کاناللر آرقه لی ایران بیلن توغریدن توغری مذاکره لر اوچون پیاملر جونتگن لیگینی معلوم قیلگن عبدالله یان شولرنی ایتدی:
"مذاکره جریانیده یوقاری ایشانچلی یخشی بیر شرط نامه امریکالیکلر بیلن بولیب اوته دیگن اوچره شوولرنینگ آرتیدن تامین ایتیلگنده بونگه اعتبار بیره میز" دیب افاده ایتدی.
عبدالله یان هسته ای مذاکره لرده مهم قرارلر آلینیشی کیره ک بولگن نقطه گه ییتیب بارگن لیکلرینی و شونده ی بولیب کینگ کولملی جلسه لر اوتکزگن لیکلرینی تیلگه آلدی.