قزاقستانده 225 کیشی حیاتی نی یوقاتدی
اوشبو مطلب نی قزاقستان باش قاره لاوچیسی بیلدیردی
قزاقستان باش قاره لاوچیسی سریک شالابایف, اوشبو اولکه ده یوز بیرگن حادثه لر عاقبتیده 225 کیشی نینگ حیاتی نی یوقاتگن لیگی نی معلوم قیلدی.
شالابایف, حیاتی نی یوقاتگن اوشبو کیشی لردن 19 نفری نینگ خوفسیزلیک کوچ لریدن ایکن لیگی نی بیلدیردی.
عینی دمده سریک, اوشبو حادثه لر عاقبتیده 3 مینگ 393 نفری نینگ خوفسیزلیک کوچ لری منسوبی بولگن 4 مینگ 353 کیشی نینگ یره لنگن لیگی نی ایسله تیب اوتدی.
قزاقستانده, 2 جنوریده, سویوقتیریلگن پطرول گازی نرخی نینگ آرتیرلیشی و اجتماعی- اقتصادی وضعیت نینگ یمانله لشگن لیگی باعث ناراضی چیلیک نمایش لری باشله گن ایدی.
قزاقستان جمهوررئیسی قاسم توکایف, ناراضی چیلیک نمایش لری نینگ باشلب کیتیشی گه سبب بولگن لیگی نی اویله گن حکومت نینگ استعفاسی نی قبول قیلگن ایدی.
ناراضی چیلیک نمایش لری نینگ باشلب کیتیشی آرتیدن 3 کتته شهر بیلن 14 ولایت ده فوق العاده حالت اعلان قیلینگن ایدی.
جمهوررئیس توکایف, 11 جنوری ده پارلمانده قیلگن معروضه سیده, قزاقستانده نظم نینگ اورنه تیلگن لیگی نی بیلدیرگن ایدی.
