کانادا محکمه سی ایران نی غرامت تولش گه محکوم قیلدی

کانادا محکمه سی, ایران نی, میلادی 2020- ییل 8- جنوریده اوریب توشیرگن اوکراین اوچاغیده حیاتی نی یوقاتگن 63 نفر کانادا وطنداشی نینگ عایله لری گه غرامت تولش گه محکوم قیلدی. 

اوشبو حادثه عاقبتیده حیاتی نی یوقاتگن 6 نفر کانادا وطنداشی نینگ وارث لری دعوا آچگن ایدی. 

اوشبو دایره ده اونتاریو عالی عدالت محکمه سی دن قاضی ادوارد بیلوبابا, حیاتی نی یوقاتگن خوددی شوو 6 کیشی نینگ وارث لری گه بیریلیشی اوچون 100 میلیون دالرلیک غرامت جزاسی توله نیشی گه حکم قیلدی. 

دعوا آچگن 6 کیشی نینگ آقلاوچیسی مارک آرنولد, غرامت نینگ آلینیشی اوچون کیره کلی فعالیت لر نی عملگه آشیره دیگن لیک لری نی بیلدیردی. 

آرنولد, تیمی نینگ کانادا و چیت ایللرده گی ایران بایلیک لری نی ضبط ایته دیگن لیک لری, ایران نینگ باشقه اولکه لرده پطرول تانکر لری نینگ موجود ایکن لیگی و عایله لرنینگ اوشبو غرامت نی آلیش اوچون حقوقی کوره شی نی دوام ایتتیره دیگن لیک لری نی ایسله تیب اوتدی. 

آرنولد, "بیز کوره شماقده میز لیکن کانادا حکومتی اوشبو توغریده کیره کلی فعالیت لرنی عملگه آشیرمه یدی.  باش وزیر ترودو نی, حادثه دن تاثیرلنگن عایله لر نینگ کوره شی بوییچه همکارلیک قیلیش گه چقیره من" دییه قید ایتدی. 

اوکراین نینگ یولاوچی اوچاغی, 2020- ییل 8- جنوریده کیف گه کیتیش اوچون تهران خلق ارا امام خمیتی هوا قونلغه سیدن اوچیشی دن قیسقه بیر مدت کیین قولب توشرایکن, اوچاقده گی 176 کیشی نینگ همه سی اولگن ایدی.  حیاتی نی یوقاتگن لرنینگ 63 نفری ایسه کانادا وطنداشی ایدی. 

اوشبو اوچاق نینگ ایران تامانیدن اوریب توشیریلگن لیگی ادعا ایتیلرایکن, ایران ایسه بو ادعا نی رد ایتدی.  کیین ایسه ایران, اوشبو اوچاق نینگ آتیلگن ایککی راکت بیلن ینگلیشلیک بیلن اوریب توشیریلگن لیگی نی بیلدیرگن ایدی. 

ایران, حادثه دن تقریباً 1 ییل کیین میلادی 2020- ییل 30- دسامبر ده حیاتی نی یوقاتگن لرنینگ هر بیری نینگ عایله سی گه 150 مینگ دالر غرامت توله یدیگن لیگی نی معلوم قیلگن ایدی.