ایران تورکیه بیلن مناسبت لرینی کوچه یتیریش گه قرار قیلدی

ایران تشقی ایش لر وزیری حسین امیر عبداللهیان, تورکیه جمهوریتی جمهوررئیسی رجب طیب اردوغان بیلن ایران لیک کسبداشی ابراهیم رئیسی اورته سیده بولیب اوتگن اوچره شووده, ایککی اولکه اورته سیده گی مناسبت لرنینگ کینگ کولملی اوله راق کوچه یتیریلیشی گه قرار قیلینگن لیگی نی بیلدیردی. 

عبداللهیان اوشبو توغریده تویتر آرقه لی بیانات بیردی. 

عبداللهیان بیاناتیده, اقتصادی همکارلیک تشکیلاتی 15- رهبر لر ییغیلیشی دایره سیده تورکمنستانده اردوغان بیلن رئیسی اورته سیده بولیب اوتگن اوچره شوو باره سیده معلومات بیردی. 

ایران تشقی ایش لر وزیری اوشبو اوچره شوو نینگ جوده صمیمی بولیب اوتگن لیگی نی بیلدیردی. 

عبداللهیان, "مناسبت لرنینگ کینگ کولملی اوله راق کوچه یتیریلیشی گه قرار قیلیندی.  ایکله اولکه اورته سیده تاریخی بیر مناسبت موجود.  ایککی رهبر, حرمتلی اردوغان نینگ تهران گه قیله دیگن سفری جریانیده, عالی کمیسیون (تورکیه- ایران عالی همکارلیک کینگشی) ییغیلیشی نینگ بولیب اوتیشی بوییچه کیلیشیب آلدی" دییه قید ایتدی. 

اقتصادی همکارلیک تشکیلاتی 15- رهبر لر ییغیلیشی گه اشتراک ایتیش اوچون تورکمنستان گه تشریف بویورگن تورکیه جمهوریتی جمهوررئیسی رجب طیب اردوغان خوددی شوو ییرنینگ اوزیده ایران لیک کسبداشی ابراهیم رئیسی بیلن اوچره شدی. 

اوشبو اوچره شوو مطبوعات گه یاپیق بولیب اوتدی.