ایران نینگ بیر اوزی اروپانینگ اوچ قواتی قدر طبیعی گاز مصرف قیلماقده

ایران مصرف قیلگن طبیعی گاز مقداری نینگ اروپا اولکه لری نینگ 3 قواتی گه ییتگن لیگی بیلدیریلدی.

ایران ملی تلویزیونی گه بیانات بیرگن ملی گاز شرکتی ترانسفر مدیری محمد رضا جولائی اولکه ده مصرف قیلینگن طبیعی گاز مقداری نینگ اوتگن ییل گه قره گنده جدی سویه ده کوپه ییب بارگن لیگینی ایتدی. اینیقسه هوانینگ ساووقلشیب باریشی بیلن طبیعی گاز مصرفی نینگ کوپه ییب بارگن لیگی گه دقت قره تگن جولائی "سونگگی ایککی هفته ایچیده اوی – جایلرده و ایش جایلریده طبیعی گاز مصرفی انچه کوپه ییب کیتدی. شو وقت اولکه ده اروپا اولکه لری نینگ 3 قواتی قدر گاز مصرف قیلینماقده" دیدی.

طبیعی گاز مصرفی نینگ اوتگن ییل گه قره گنده کونده لیک 50 میلیون متر مکعب کوپه ییب بارگن لیگینی قید ایتگن جولائی "مصرف مقداریده گی کوپه ییب قیغولنتیرماقده. بو وضعیت دوام ایتگن تقدیرده گاز ترانسفری گه هم تاثیر قالدیره دی" دیب ایتدی.

روسیه نینگ آرتیدن 33 میلیارد متر مکعب ذخیره سی بیلن دنیا مقیاسیده اینگ کوپ طبیعی گاز منبعی گه ایگه ایککینچی اولکه بولگن ایران، تولیدده ایسه امریکا قوشمه ایالتلری و روسیه نینگ آرتیدن اوچونچی اورینده توره دی.