تورکیه پارلمانی باشلیغی: اوزبیک قرداشلری میز خلقی میز قلبیده اوزی گه خاص بیر اورین گه ایگه

تورکیه جمهوریتی پارلمانی باشلیغی مصطفی شنتوپ, توناون, اوزبیکستان عالی مجلسی قانونچیلیک اتاقی بیرینچی باشلیغی نینگ اورینباسری و اوزبیکستان- تورکیه پارلمان لر ارا دوستلیک گروپی باشلیغی اکمل سیدوف و اونینگ بیلن بیرگه کیلگن هیئت اعضالری بیلن اوچره شدی. 

اوشبو اوچره شوو تورکیه جمهوریتی پارلمانی دیوان سالونیده بولیب اوتدی. 

شنتوپ, اوزبیک و تورک هیئت لری نینگ باریب کیلیشی نینگ مناسبت لرنینگ رواجلنتیریلیشی بوییچه کتته اهمیت گه ایگه ایکن لیگی نی معلوم قیلدی. 

مصطفی شنتوپ, "قرداشلیککه تینگن ستراتیژیک همکارلیگی میز نینگ پارلمان لر ارا مناسبت لرنینگ رواجلنتیریلیشی شکلیده هم قوللب – قوتله نیشی کیره ک ایکن لیگی گه ایشانماقده من" دییه قید ایتدی. 

"اوزبیکستان و اوزبیک قرداش لری میز نینگ ملتی میز نینگ قلبی ده اوزی گه خاص بیر اورنی بار" دییه قید ایتگن شنتوپ, وکیل لرنینگ تیز تیز اوچره شیب بونگه اویغون شرایط نینگ تامین ایتیلیشی بوییچه سعی و حرکت قیلیشی کیره ک ایکن لیگی نی معلوم قیلدی.

شنتوپ, تورکستان جغرافیه سی نینگ اینگ مهم اولکه سیدن عبارت اوزبیکستان نینگ, تورک و اسلام مدنیتی نینگ اینگ یخشی اثر لری گه ایگه بولیش بیلن بیر قطارده, سیاسی, اقتصادی و اجتماعی جهت دن هم کونساین رواجله نیب باریاتگن بیر اولکه گه ایله نیب قالگن لیگی نی بیلدیردی. 

مصطفی شنتوپ, "اوزبیکستان نینگ, تورک دولت لر تشکیلاتی اعضاسی ایتیب سیلنگن لیگی بیزنی جوده خرسند قیلدی" دییه قید ایتدی. 

اوزبیکستان عالی مجلسی قانونچیلیک اتاقی بیرینچی باشلیغی نینگ اورینباسری و اوزبیکستان- تورکیه پارلمان لر ارا دوستلیک گروپی باشلیغی اکمل سیدوف ایسه, خلق ارا تورک مدنیت تشکیلاتی و تورک دولت لری تشکیلاتیده همکارلیکده فعالیت آلیب باره دیگن لیک لری نی بیلدیردی.