میرضیایف ینه جمهوررئیس ایتیب سیلندی

دستلبکی نتیجه گه کوره اوزبیکستان ده بولیب اوتگن سیلاو نتیجه سیده لیبرال دموکرات حزبی نینگ کاندیدی شوکت میرضیایف ینه جمهوررئیس ایتیب سیلندی. 

میرضیایف رای لرنینگ 80,1 فایزی نی کسب ایتیش گه موفق بولگن. 

مرکزی سیلاو کینگشی نینگ باشلیغی زین الدین نظام خواجه یف, توناون بولیب اوتگن سیلاو نتیجه سیده میرضیایف نینگ رای لرنینگ 80,1 فایزی نی کسب ایتیب ینه اوزبیکستان نینگ جمهوررئیسی ایتیب سیلنگن لیگی نی بیلدیردی. 

نظام خواجه یف, 16 میلیون 212 مینگ 343 کیشی نینگ رای بیرگن لیگی نی بیلدیررایکن, اوشبو رای لرنینگ ثبت ایتیلگن رای بیروچی لرنینگ 80,4 فایزی نی تشکیل ایتیاتگن لیگی نی معلوم قیلدی. 

اوزبیکستان ده توناوون بولیب اوتگن سیلاوده ایکولوژی, خلق دموکرات, ملی تیکله نیش, عدالت و لیبرال دموکرات حزب لری نینگ کاندید لری نارزالله اوبلامرادوف, مقصوده وارثووه, علیشیر قادروف, بهرام عبدالحلیموف و شوکت میرضیاف رقابت قیلدی. 

اوزبیکستانده بیش ییللیک بیر مدت بیلن سیله نه دیگن کاندید نینگ جمهوررئیس ایتیب سیله نیشی اوچون 50 فایز دن آرتیق رای آلیشی کیره ک. 

بونده ی بولمس لیگی تقدیرده, اینگ کوپ رای آلگن ایککی کاندید نینگ ایککینچی روندده اوز ارا رقابت قیلیشی شرط.