ایران, آذربایجان چیگره سیده حربی تطبیقات اوتکزه دی

اوشبو مطلب نی ایران دولت تلویزیونی بیلدیردی

1712926
ایران, آذربایجان چیگره سیده حربی تطبیقات اوتکزه دی

ایران, آذربایجان چیگره سیده حربی تطبیقات اوتکزیش اوچون تیارگرلیک اوتکزماقده. 

ایران دولت تلویزیونی نینگ خبری گه کوره, پیاده کوچ لری قوماندانی جنرال کیومرث حیدری ایرته گه باشله شی ریجه لنگن اوشبو تطبیقات بیلن علاقه لی بیانات بیردی. 

حیدری, "خیبر فاتح لری" ناملی اوشبو تطبیقات گه توپچی قطعه لری, اوچووچیسیز اوچاق لر, الکترونیک اوروش بولیم لری و هلیکوپتر لرنینگ اشتراک قیله دیگن لیگی نی بیلدیردی. 

عینی دمده ایران نشراتی اورگان لری تطبیقات نینگ بولیب اوته دیگن منطقه گه یوزلب زرهی واسطه و مینگلب عسکر نینگ جایلشتیریلگن لیگی توغریسیده گی تصویر لر گه اورین اجره تدی. 

آذربایجان جمهوررئیسی الهام علی اف نینگ ایران نینگ آلدین چیگره ده اوتکزگن تطبیقاتی گه عکس العمل کورسه تیشی آرتیدن اوشبو تطبیقات گه قرار قیلینگن لیگی دقت گه سزاوار بیر موضوع نی تشکیل ایتماقده. 

علی اف, 27- سپتامبر کونی بیرگن بیاناتیده 2- قاره باغ اوروشی نینگ 1- ییلیده, ایران گه عاید موتر لرنینگ اشغال دن قوتقریلگن قاره باغ منطقه سی گه ناقانونی روشده  یوباریلگن لیگی نی معلوم قیلگن ایدی. 

آذربایجان نینگ اشغال دن قوتقریلگن منطقه گه یوباریلگن اوشبو موتر لرنی تیکشیره باشله شی آرتیدن ایران نینگ آذربایجان چیگره سیده تطبیقات اوتکزیش گه قرار قیلگن لیگی نی بیلدیرگن علی اف, "بیرینچی دن شونی بیلدیریشی میز کیره ک که هر اولکه نینگ اوز حدود لری ایچیده هر خیل تطبیقات اوتکزیشی ممکن.  لیکن نیمه اوچون حاضرگی کونده و نیمه اوچون بیزنینگ چیگره میزده بو تطبیقات اوتکزیله دی؟" دییه قید ایتدی. 



علاقه لی ینگی لیکلر