تورکیه تشقی ایشلر وزیری پاکستان گه قیغوداشلیک بیلدیردی

تورکیه تشقی ایشلر وزیری مولود چاووش اوغلی پاکستان ده گی بس حادثه سی بیلن تیگیشلی قیغوداشلیک بیلدیردی.

چاووش اوغلی تویتر آرقه لی موضوع بوییچه بیانات بیردی.  

"پنجابده گی حادثه ده پاکستانلیک قرداشلریمیزنینگ حیاتینی یوقاتگن اچیق خبرینی آلدیم. اولگنلرگه الله تعلی دن مغفرت، یره لیلرگه عاجل شفا، قرداش پاکستان خلقی گه قیغوداشلیک بیلدیره من" دیب ایتگن.

چاووش اوغلی بو پیامیده پاکستان تشقی ایشلر وزیری شاه محمود قریشی نی هم قوشیب تشله دی.

پاکستان نینگ پنجاب ولایتی گه باغلیق دره غازی خان منطقه سیده ایرته لب بیر بس بیلن کامیون موترنینگ توقنه شیب کیتیشی عاقبتیده دستلبکی معلوماتگه کوره ایچلریده باله لر و خاتین – قیزلر هم بولمیش 28 کیشی حیاتینی یوقاترکن 40 کیشی یره لنگندی.