اوزبیکستان ده بعضی کیشی لر کووید 19 گه قرشی مجبوری ایمله نه دی

اوزبیکستان ده دولت اداره لری و خدمت سکتوری پرسونلی کووید 19 گه قرشی مجبوری ایمله نه دی. 

اوزبیکستان کرونا ویروس گه قرشی کوره ش کمیسیونی نینگ قراری بیلن, حاضرگی کونگه قدر اولکه ده طلب گه بناً تطبیق ایتیلیاتگن واکسین ایندی بعضی کیشی لر اوچون مجبوریت گه ایلنتیریلدی. 

اوشبو قرار دایره سیده ایندی ساغلیق نی سقلش پرسونلی, اوقیتووچی لر, عسکرلر و خوفسیزلیک پرسونلی, بانک, پسته خانه, کافی, سلمانلیک, توریزم و باشقه خدمت سکتوری نماینده لری بیلن دولت مامور لری مجبوری ایمله نه دی.

شونده ی قیلیب اوشبو کیشی لرنینگ 1- سپتامبر گه قدر بیرینچی, 1- اکتوبر گه قدر ایککینچی و 1- نوامبر گه قدر ایسه اوچینچی دوز بیلن ایمله نیشی کیره ک. 

عینی دمده اوزبیکستان ده کانکور سیناوی نینگ آچیق هواده بولیب اوتیشی گه قرار قیلیندی. 

بوندن تشقری کمیسیون نینگ قراری دایره سیده, اوزبیکستان ده بوندن بویان کافی و رستورانت لر نینگ آچیق هوا ده کیچقرون ساعت 20:00 گه قدر فعالیت یوریتیشی ممکن. 

اوزبیکستان ساغلیق نی سقلش وزیرلیگی تامانیدن بیریلگن بیاناتده, حاضرگی کون گه قدر اوشبو اولکه ده توپلم 5 میلیون 521 مینگ دوز واکسین نینگ تزریق ایتیلگن لیگی بیلدیریلدی.