امریکا قوشمه ایالتلری بیلن ایران اورته سیده گی مناسبت لر
سیاسی, اقتصادی و اجتماعی تدقیقات لر مرکزی دن جان آجون نینگ مقاله سی نینگ ترجمه سی
امریکا قوشمه ایالتلریده بولیب اوتگن سیلاو لر آرتیدن بایدن نینگ اقتدار گه کیلیشی بیلن یخشی له شیشی کوتیلگن امریکا- ایران مناسبت لری, هسته ای مذاکره لرنینگ توختب قالیشی کیتیدن اینیقسه عراق- سوریه موضوعی بوییچه جنجال لر گه ایله نیب باشله شدی. ایران نیابتی بیر شکلده امریکا قوشمه ایالتلری نینگ عسکر لری نی هدف قیلیب آلرایکن, امریکا ایسه بیواسطه ایران گه باغلیق کوچلر نی بمباران قیلماقده. ایککی اولکه اورته سیده گی کیچیک جنجال لر نینگ سوریه موضوعی نی هم اوز ایچی گه آله دیگن شکلده آرتیب کیتیشی احتمالی کوچه یماقده.
ترامپ دوری ده امریکا قوشمه ایالتلری نینگ سیاستی باسقیچ مه باسقیچ قتتیق بولرایکن, اینگ سونگ ایران گه قرشی "اعظمی باسیم" اوله راق بیلدیریلگن سیاست طرزی گه ایلندی. امریکا قوشمه ایالتلری هسته ای کیلیشوو دن چیکیلیب ایران گه قرشی اقتصادی تحریم باشله ترایکن, اوشبو اولکه نینگ هیچ بیر شکلده پطرول صادر قیلیشی گه اجازت بیریلمه دی. ینه عراق-سوریه- یمن مسئله سی دایره سیده ایران گه قرشی بولگن عنصر لر قوللب- قوتله نرایکن, اسرائیل و کورفز اولکه لری بیلن بولگن همکارلیک بیلن ایران گه قرشی باسیم کونساین آرتیریلدی. قُدس کوچی قوماندانی قاسم سلیمانی نینگ اولدیریلیشی و ایران نینگ جواب قیتریشی بیلن ایککی اولکه اورته سیده تقریباً اوروش باشلب کیتدی.
بیراق جو بایدن نینگ امریکا قوشمه ایالتلری دولت رهبری ایتیب سیله نیشی آرتیدن ایران گه قرشی بو ائتلاف ترقه لیب کیترایکن, امریکا نینگ ایران توغریسیده گی سیاستی هم آزگینه یومشه دی. بایدن ایران بیلن بولگن هسته ای مذاکره لرنی قیته باشلتدی و ایککی اولکه اورته سیده گی مناسبت لر بوییچه نسبتاً مثبت ینگیلیک لر یوز بیردی. امریکا قوشمه ایالتلری نینگ یمن ده گی اوروش نی حمایت قیلیش دن قول تارتیشی هم اوشبو وضعیت نی مستحکم لشتیردی.
بیراق تامان لرنینگ ایریم هدف لری دن واز کیچمه گن لیگی باعث هسته ای مذاکره لرنینگ توختب قالیشی آرتیدن ایککی اولکه اورته سیده گی بحران قیته باشدن کوپه یه باشله دی. اسرائیل و کورفز اولکه لری نینگ امریکا قوشمه ایالتلری ده گی لابی فعالیت لری نینگ هم اوشبو سیاستده رول ایگه سی بولگن لیگی نی ایسله تیب اوتیش ممکن. نتیجه ده, عراق ده تامان لر اورته سیده قتتیق بیر رقابت موجود ایکن, ایران نینگ نفوذی آستیده حرکت قیلیاتگن شیعه ملیشه عنصر لر (هشد شعبی) امریکا قوشمه ایالت لری نینگ حربی مرکز لری و لوژستیک قطار لری نی اوره باشله دی. امریکا قوشمه ایالت لری قوشین لری نینگ جایلشتیریلگن اربیل هوا قونلغه سی و عین الاسد حربی مرکزی کبی جای لر تیز تیز راکت و بمب یوکلنگن اوچووچیسیز اوچاق لر بیلن اوریله باشلندی. امریکا نینگ منطقه ده گی حربی کوچ لری ایسه شیعه ملیشه لر گه قرشی هوا هجومی اویوشتیرماقده. ایککی اولکه و وکیل عنصر لری اورته سیده گی اوشبو کیچک مقیاسلی توقنه شوو لر, کوتیلگن لیگی دیک سوریه ده هم کوریندی. ایران لیک ملیشه لر, دیرالزور نینگ شرقیده جایلشگن العمر پطرول قودوغی منطقه سیده گی امریکا قوشمه ایالتلری نینگ حربی مرکزی گه اوچووچیسیز اوچاق لردن فایده له نیب هجوم اویوشتیردی. امریکا قوشمه ایالتلری ایسه البوکمال منطقه سیده گی شیعه ملیشه لرنینگ قرارگاهی نی بمباران قیلدی.
ایندی ایسه اساسی سئوال تامان لرنینگ اوشبو توقنه شوو لر کولمی نی کینگ کینگیتیریش آرزو سی نینگ موجود ایکن لیگی یاکه ایمس لیگی بیلن علاقه لی. ایکله تامان هسته ای مذاکره لر بوییچه ینگی فرصت لر قولگه کیریتیش گه حرکت قیلرایکن, ساحه ده گی حربی امکانیت لری نی هم کورسه تیب بیریش گه انتیلماقده. اوشبو وضعیت ایسه عراق و سوریه کبی اولکه لر گه تاثیر قالدیرماقده. امریکا قوشمه ایالت لری نینگ باسقیچ مه باسقیچ اورته شرق نی ترک ایته دیگن بیر دور نینگ, ایران جهتی دن یخشی بیر امکانیت اوله راق بهالنتیریلیشی ممکن. بیراق اسرائیل و کورفز اولکه لری نینگ هم موازنه نینگ تامین ایتیلیشی بوییچه رولی نی ایسدن چیقارمسلیک کیره ک.
