پاکستان تشقی ایشلر وزیری قریشی افغانستان بویییچه مهم بیانات بیردی

پاکستان تشقی ایشلر وزیری شاه محمود قریشی امریکا قوشمه ایالتلری نینگ افغانستان نی ترک ایتیب چیقیش قراری بیلن تیگیشلی شولرنی ایتدی:

"چیقیش بیر سیتیم آرقه لی بولمسه و تینچلیک جریانی بیلن بیرگه لیکده بولمسه افغانستانده 1990 ییللریده گی حادثه لرنینگ قیته دن یوز بیریشیدن خواطرده میز" دیدی.

قریشی انتالیا دیپلوماسی ییغینی اوچون کیلگن انتالیا بلکده امریکا قوشمه ایالتلری نینگ افغانستان ترک ایتیب چیقیش قرارینی قبول قیلیب آلیشی بوییچه اوزلریگه معلومات بیریلگن لیگینی افاده ایتدی.

"البته کی اوچره شوولر بولیب اوتماقده. چیقیشلری بوییچه اشاره بیرگن ایدیلر. البته کی ابدگچه قالمه یدیلر" دیب بهالندیردی.

بونینگ مسؤلیتلی بیر چیقیش بولیشی کیره ک لیگینی اورغوله گن قریشی،

"بیز هردایم اولرگه «چیقینگ بیراق بونی بیر تیزیم آرقه لی آلیب بارینگ» دیگندیک. بونی مسؤلیتلی بیر شکلده آلیب باریش کیره ک. چیقیش بیر سیتیم آرقه لی بولمسه و تینچلیک جریانی بیلن بیرگه لیکده بولمسه افغانستانده 1990 ییللریده گی حادثه لرنینگ قیته دن یوز بیریشیدن خواطرده میز" دیب ایتدی.

امریکا قوشمه ایالتلری عسکرلرینی افغانستاندن آلیب چیقیشی گه و تورکیه نینگ اولکه ده خوفسیزلیک نی تامین ایتیش رولینی دمّه سیگه آلیشی بیلن تیگیشلی شولرنی ایتدی:

"موضوع تورکیه بولسه پاکستان بو توغریده جوده راحت بوله دی. تورکیه ناتو اعضاسی و ناتو افغانستاندن چیقیش قرارینی قبول قیلیب الدی. (جمهور باشلیغی رجب طیب) ایردوغان بو توغریده بیانات بیردی. بو توغریده نیمه اویله گن لیکلرینی بیلماقچی من. ییغیلیش دایره سیده تشقی ایشلر وزیری (مولود چاووش اوغلی) بیلن ملاقات قیله من. جمهور باشلیغی میزبانلیگیده اویوشتیریله دیگن مهمانلیکده او بیلن بو توغریده اوچره شیب عقلیده گیلرنی ایشیتماقچی من" دیدی.

ایردوغان و چاووش اوغلی بیلن آلیب باره دیگن اوچره شوولرده نه فقط افغانستان موضوعینی عین دمده اسلام دشمنلیگی نینگ هم تیلگه آلینه جگینی گه دقت تارتدی.

"تورکیه و پاکستان بو توغریده بیر توشونچه گه ایگه دیر. نفرت سوزلری، مسلمانلرنینگ تبعیض و آماج قرار بیریلیشی گه، غربده تاباره کوپه ییب بارگن بو یانداشووگه قرشی بو تهدیدگه قرشی کوره ش آلیب باریش کیره ک ایکن لیگینی اویله یمیز" دیب بهالندیردی.