آذربایجان- ایران چیگره سیده توقنه شوو یوز بیردی
اوشبو توقنه شوو قاچاقچی لر بیلن چیگره خوفسیزلیک کوچلری اورته سیده یوز بیرگن
آذربایجان- ایران چیگره سیدن ناقانونی روشده اوتماقچی بولگن مخدره مواد قاچاقچی لری نینگ اوق اوزیشی عاقبتیده ایککی نفر آذربایجان عسکری شهید بولدی.
آذربایجان دولت چیگره قوریقلش خادم لری تامانیدن بیریلگن بیاناتده, یاردملی ولایتی گندره قیشلاغی نینگ چیککه حدود لریده ایران دن آذربایجان گه اوتماقچی بولگن 3 کیشی بیلن چیگره خوفسیزلیک کوچلری اورته سیده توقنه شوو یوز بیرگن لیگی بیلدیریلدی.
قاچاقچی لرنینگ اوق اوزیشی عاقبتیده آذربایجان لیک ایککی عسکرنینگ یره لنگن لیگی, کیین اوشبو عسکر لرنینگ کسلخانه ده شهید بولگن لیگی معلوم قیلیندی.
قاچاقچی لرنینگ ایران لیک ایکن لیک لری معلوم قیلینرایکن, خوددی شوو قاچاقچی لردن بیری نینگ اوشلنگن لیگی و ایککی نفری نینگ ایسه قاچگن لیگی بیلدیریلدی.
حادثه محلی ده 10 کیلوگرام گه یقین مخدره مواد تاپیلگن لیگی معلوم قیلیندی.
ایککی مظنون نینگ قیدیریلیاتگن لیگی و حادثه توغریسیده ایران تامانی گه معلومات بیریلگن لیگی بیلدیریلدی.
