امریکا قوشمه ایالتلری ایران گه قره ته بعضی بیر چیکلاولرنی کوتریب تشلش نی ریجه له ماقده

امریکا قوشمه ایالتلری ایران هسته ای کیلیشووی گه ماس کیلمیه دیگن چیکلاولرنی کوتریب تشلش گه تیارگرلیک کورماقده.

امریکا قوشمه ایالتلری تشقی ایشلر وزیرلیگی سوزچیسی ند پریس کونده لیک مطبوعاتی کنفرانسیده ایران بیلن هسته ای قورال مذاکره لری و اتریش نینگ پایتختی وین ده گی اوچره شوولر بیلن تیگیشلی گپیردی.

پریس امریکا قوشمه ایالتلری نینگ ایران بیلن اوچره شوولر توغریسیده عجله قیلمه گن لیگینی و اوچره شوولرنینگ قیین بولیب اوتیشینی کوتگن لیگینی معلوم قیلیب وین اوچره شوولری نینگ اداغیده امریکا قوشمه ایالتلری نینگ منفعتی قوریقلنه دیگن بیر شکلده کیلیشیب آلیش نی آرزو قیلگن لیکلرینی بیلدیردی.

پریس بعضی بیر چیکلاولرنی کوتریب تشلش گه تیارگرلیک کورگن لیکلرینی "ایران بیلن هسته ای قورال کیلیشیب آلیش شرطلری باریش اوچون کیره کلی آدیملرنی آتیش گه تیارگرلیک کورماقده میزکی بو هسته ای قورال کیلیشووی بیلن ماس بولمیه دیگن چیکلاولرنی کوتریب تشلش نی هم اوز ایچی گه آلماقده" دیب تاکییدله دی.

شو وقت قیسی چیکلاولر اوستیده باش قاتیریب تورگن لیکلرینی ایتیشی نینگ ممکن ایمس ایکن لیگینی افاده ایتگن پریس شونده ی بولیب ایران هم کیلیشوو شرطلرینی بجا کیلتیرمه گن تقدیرده بیر تامانلیک فرصت بیرمسلیکلرینی سوزلریگه علاوه ایتدی.