ظریف: جو بایدن آلدینگی تیزیم نینگ سیاستینی تعقیب ایتماقده

امریکا قوشمه ایالتلری دولت باشلیغی جو بایدن نینگ برونگی دولت باشلیغی دونالد ترامپ نینگ سیاستینی تعقیب ایتگن لیگینی ادعا ایتدی

1612684
ظریف: جو بایدن آلدینگی تیزیم نینگ سیاستینی تعقیب ایتماقده

ایران تشقی ایشلر وزیری محمد جواد ظریف امریکا قوشمه ایالتلری دولت باشلیغی جو بایدن نینگ برونگی دولت باشلیغی دونالد ترامپ نینگ سیاستینی تعقیب ایتگن لیگینی ایتدی.

ظریف اجتماعی ترماق کلوپ هاوس (Clubhouse) آرقه لی بیرگن بیاناتیده امریکا قوشمه ایالتلری نینگ اولاً تعهدلرینی ییریگه کیلتیریشی کیره ک لیگینی و ایککی تامان نینگ هم عین آنده آدیم آتیشی کیره ک لیگی بیلن تیگیشلی تکلیف نی قبول ایتمس لیکلرینی تاکییدله دی.

ظریف شولرنی ایتدی:

"امریکالیکلر 4 ییل لیک تاریخنی اوچیریب تشله یالمه یدیلر. بایدن ترامپ نینگ سیاستینی تعقیب ایتماقده. ترامپ قیلگن بیراق بایدن قیلمه گن هیچ بیر نرسه یوق. عین باسیملرنی ایرانگه قره ته عملی قیلیب بارماقده. وقتینچه لیک آدیملرنینگ آتیلیشی گه مخالف ایمس میز. بیراق امریکا قوشمه ایالتلری اولاً تعهدلرینی ییریگه کیلتیریشی کیره ک" دیب ایتدی.

چین بیلن قول قوییلگن 25 ییل لیک کینگ کولملی همکارلیک کیلیشووی گه هم تماس قیلگن ظریف چین بیلن بیر پروژه گه قول قوییلگن لیگینی بیلدیردی.

ظریف "چین کیلگوسیده دنیا مقیاسیده بویوک بیر کوچ گه ایلنه دی، بیزنینگ هم یخشی بیر مناسبتیمیز بولیشی کیره ک. بو ایریم اولکه لر بیلن مناسبت رواجلنتیریش گه توسیق ایمس دیر" دیب گپیردی.

آلمان ویا ایریم بیر غرب اولکه سی خواهله گنده 25 ییل لیک همکارلیک که قول قوییلیشی گه مانع ایمس ایکن لیگینی تیلگه آلگن ظریف جنابلری؛

"چین هسته ای کیلیشوودن کیین کینگ کولملی همکارلیک اوچون شرطلرنینگ مناسب ایکن لیگینی اویله دی. روسیه هسته ای کیلیشوودن کیین بیزگه س-300 هوا مدافعه تیزیمینی ساتدی. هیچ کیم مینگه چین بیلن کیلیشووگه قول قوییشیم اوچون باسیم قیلمه دی" دیدی.    



علاقه لی ینگی لیکلر